بۇگىن اسەم ۇنىمەن ميلليونداعان كورەرمەننىڭ جۇرەگىن جاۋلاعان وپەرا ءانشىسى، سوتسياليستىك ەڭبەك ەرى، كسرو جانە قازاق كسر حالىق ءارتىسى بيبىگۇل احمەتقىزى 95 جاسقا تولدى، دەپ حابارلايدى «ادىرنا» ءتىلشىسى.
اتى اڭىزعا اينالعان ونەر يەسى 1929 جىلى سەمەي قالاسىندا دۇنيەگە كەلگەن. الماتى مەملەكەتتىك كونسەرۆاتورياسىن (قۇرمانعازى اتىنداعى قازاق ۇلتتىق كونسەرۆاتورياسى) بىتىرگەن. ونەر جولىن كوركەمونەرپازدار ۇيىرمەسىنەن باستاعان. حالىق ءارتىسى الەمنىڭ ەڭ ۇزدىك وركەسترلەرى — وسيپوۆ اتىنداعى ورىس ۇلتتىق اكادەميالىق ۇلت اسپاپتار وركەسترى، چايكوۆسكي اتىنداعى ۇلكەن سيمفونيالىق وركەسترى، پرينتس ۋەلسكيدىڭ (ۇلىبريتانيا) كامەرالىق وركەسترىمەن بىرگە ءان سالعان.
1991 جىلدىڭ 21 جەلتوقسانىندا كسرو پرەزيدەنتىنىڭ قاۋلىسىمەن بيبىگۇل تولەگەنوۆاعا مۋزىكا ونەرىنىڭ دامۋىنا قوسقان ۇلكەن ۇلەسى ءۇشىن لەنين اتىنداعى وردەنى جانە «بالعا مەن وراق» مەدالىمەن قاتار سوتسياليستىك ەڭبەك ەرى اتاعى بەرىلدى. «ەڭبەك قىزىل تۋ» وردەنىمەن، لەنين اتىنداعى وردەنمەن ەكى مارتە ماراپاتتالعان. بيبىگۇل احمەتقىزى ءوزىنىڭ 70 جىلدان اسا شىعارماشىلىق جولىندا جۇزدەگەن وپەرالىق پارتيالاردى ورىنداپ، “دالا قىزى", ء"بىزدىڭ سۇيىكتى دارىگەر", "بۇل شۇعىلادا بولعان", "تاقيالى پەرىشتە" فيلمدەرىندە وزىندىك بەينەلەرىن جاسادى.
