«قايتارىلعان اكتيۆتەردى باسقارۋ كومپانياسى» جشس (قابك) الماتى ورتالىعىنداعى بولات نازارباەۆقا تيەسىلى بولعان كومپانيادان تاركىلەنگەن كەڭسە عيماراتىن ساتتى، دەپ حابارلايدى "ادىرنا" ۇلتتىق پورتالى Orda.kz- كە سىلتەمە جاساپ.
1700 شارشى مەتردى قۇرايتىن عيمارات پەن 0,4 گەكتار جەر ۋچاسكەسى قالانىڭ ورتالىعىندا، بوستاندىق اۋدانىندا ورنالاسقان. عيمارات 1953 جىلى سالىنعان، ال 1997 جىلى تولىق جوندەۋدەن وتكەن. قابك سايتىندا ول 1 549 542 736 تەڭگەگە ساتىلعانى تۋرالى اقپارات جاريالاندى.
سونىمەن قاتار، قابك استانا قالاسىنداعى مۇحامەدحانوۆ كوشەسىندە ورنالاسقان ەكى قوسالقى تۇرعىن ەمەس عيماراتتى 197 ملن تەڭگەگە ساتقانىن حابارلادى.
بۇعان دەيىن، عيماراتتىڭ ساتىلىمعا شىعارىلاتىنى تۋرالى جازعان ەدىك.
