بيىل Halyk ەلىمىزدىڭ 6 وڭىرىندە قازاقتىلدى جۋرناليستەرگە ارنالعان سەمينار-ترەنينگتەر مەن ۆەبينارلار وتكىزدى. ترەنينگتەردىڭ ماقساتى – وڭىرلىك جۋرناليستەردىڭ قارجىلىق ساۋاتىن ارتتىرۋ. ترەنينگتەر اتىراۋ، قىزىلوردا، اقتوبە، شىمكەنت، تۇركىستان، اقتاۋ قالالارىندا وتكەن بولاتىن.
بۇل جوبا ارقىلى بانك ءبىرىنشى كەزەكتە وڭىرلىك باق وكىلدەرىنىڭ قارجىلىق ساۋاتتىلىعىن ارتتىرۋدى ماقسات ەتەدى. وسىنداي ءىس-شارا ارقىلى بانك جۋرناليستەرمەن سەنىم جانە جاقسى قارىم-قاتىناس ورنايدى دەگەن ۇمىتتە.
«ەگەر ءسىز ءوزىڭىزدىڭ جەكە دەرەكتەرىڭىزدى ەشكىمگە ايتپاي، وعان ساق بولساڭىز بانكتەگى قاراجاتىڭىز، كارتانىزداعى اقشاڭىز 100 پايىز سەنىمدى قولدا بولادى. قارجىلىق ساۋاتتىلىق بويىنشا سەمينار-ترەنينگتەرىمىزدىڭ ماقساتى – حالىققا وسى قاعيدانى، وسى ۇستانىمدى جەتكىزۋ. ونى كۇندەلىكتى ومىرىمىزدە، تۇرمىسىمىزدا قولدانۋ»، - دەيدى Halyk ماڭعىستاۋ وبلىسى فيليالىنىڭ ديرەكتورى سەيداحمەت نۇرلىبەك.
رەسمي دەرەكتەرگە سۇيەنسەك، جىل باسىنان بەرى 10 000-نان اسا ينتەرنەت الاياقتىق تىركەلگەن. بۇل بىلتىرمەن سالىستىرعاندا 4 ەسەگە كوپ ەكەن. وسىعان بايلانىستى بانك كليەنتتەردىڭ الاياقتارعا الدانباۋى ءۇشىن بارىنشا كۇش سالىپ، الاياقتىق، قارجىلىق ساۋاتتىلىق سياقتى ماسەلەلەردى قامتۋعا باعىتتالعان بىرقاتار سەمينارلاردى وتكىزدى. بانكتەگىلەردىڭ ايتۋىنشا، ولار قازاقستاندىقتاردى الاياقتاردان قورعاپ، جۋرناليستەر ارقىلى ولاردىڭ قارجىلىق ساۋاتىن ارتتىرعىسى كەلەدى.
بانك ءۇشىن ەڭ باستىسى – كليەنتتەردىڭ قاۋىپسىزدىگى جانە ولاردىڭ بانككە دەگەن سەنىمى. ايتا كەتەيىك، كەلەسى جىلى دا باسقا وڭىرلەردە قارجىلىق ساۋاتتىلىق بويىنشا سەمينار-ترەنينگتەر وتكىزۋ جوسپاردا بار.
