Bıyl Halyk elimizdiń 6 óńirinde qazaqtildi jýrnalısterge arnalǵan semınar-trenıngter men vebınarlar ótkizdi. Trenıngterdiń maqsaty – óńirlik jýrnalısterdiń qarjylyq saýatyn arttyrý. Trenıngter Atyraý, Qyzylorda, Aqtóbe, Shymkent, Túrkistan, Aqtaý qalalarynda ótken bolatyn.
Bul joba arqyly bank birinshi kezekte óńirlik BAQ ókilderiniń qarjylyq saýattylyǵyn arttyrýdy maqsat etedi. Osyndaı is-shara arqyly bank jýrnalıstermen senim jáne jaqsy qarym-qatynas ornaıdy degen úmitte.
«Eger siz ózińizdiń jeke derekterińizdi eshkimge aıtpaı, oǵan saq bolsańyz banktegi qarajatyńyz, kartanyzdaǵy aqshańyz 100 paıyz senimdi qolda bolady. Qarjylyq saýattylyq boıynsha semınar-trenıngterimizdiń maqsaty – halyqqa osy qaǵıdany, osy ustanymdy jetkizý. Ony kúndelikti ómirimizde, turmysymyzda qoldaný», - deıdi Halyk Mańǵystaý oblysy fılıalynyń dırektory Seıdahmet Nurlybek.
Resmı derekterge súıensek, jyl basynan beri 10 000-nan asa ınternet alaıaqtyq tirkelgen. Bul byltyrmen salystyrǵanda 4 esege kóp eken. Osyǵan baılanysty bank klıentterdiń alaıaqtarǵa aldanbaýy úshin barynsha kúsh salyp, alaıaqtyq, qarjylyq saýattylyq sııaqty máselelerdi qamtýǵa baǵyttalǵan birqatar semınarlardy ótkizdi. Banktegilerdiń aıtýynsha, olar qazaqstandyqtardy alaıaqtardan qorǵap, jýrnalıster arqyly olardyń qarjylyq saýatyn arttyrǵysy keledi.
Bank úshin eń bastysy – klıentterdiń qaýipsizdigi jáne olardyń bankke degen senimi. Aıta keteıik, kelesi jyly da basqa óńirlerde qarjylyq saýattylyq boıynsha semınar-trenıngter ótkizý josparda bar.
