Astanada Qazaq coffee kofehanasy qazaq tilinde qyzmet kórsetýge mindetti bolmaǵandyqtan jabyldy. Bul týraly 2GIS qosymshasynda jazylǵan, dep habarlaıdy “Adyrna” ulttyq portaly.
Áleýmettik jeli qoldanýshylary Astanada Qazaq coffee kofehanasynda bolǵan janjaldyń mán-jaıyn talqylap jatyr. 2GIS qosymshasynda Qazaq coffee kofehanasynyń pikirler bóliminde klıent qazaqsha mázirdiń joq ekenin jazǵan. Keıin kofehana ıesi oǵan qazaq tilinde qyzmet kórsetýge mindetti emes ekenin, sondaı-aq basqa da ortalyqtarda qujat boıynsha 50/50 orys qazaq tilderi bolǵanymen, tek qana oryssha qyzmet kórsetetinin alǵa tartqan.
Bul oqıǵadan keıin ózge de klıentter jappaı keri pikir jazdy. Qazir kofehana ýaqytsha jumysyn toqtatty.
Aıta keteıik, 2022 jyldan bastap zań boıynsha kórneki aqparat, sonyń ishinde as máziriniń qazaqsha nusqasy bolýy mindetteledi. QR "til týraly" zańynyń №151, 21 babyna sáıkes “Eger Qazaqstan Respýblıkasynyń zańnamalyq aktilerinde ózgeshe kózdelmese, habarlandyrýlar, jarnama, preıskýranttar, baǵa kórsetkishteri, as mázirleri, nusqaǵyshtar jáne basqa da kórneki aqparat memlekettik tilde, qajet bolǵan kezde orys tilinde jáne (nemese) basqa tilderde de ornalastyrylady”.
