وڭتۇستىك كورەيا پرەزيدەنتى يۋن سوك يولگە ەلدەن شىعۋعا تىيىم سالىندى، دەپ حابارلايدى «ادىرنا» ءتىلشىسى Yonhap اگەنتتىگىنە سىلتەمە جاساپ.
شەتەلدىك باق-تىڭ مالىمەتىنشە، شەشىمدى ادىلەت مينيسترلىگى قابىلداعان. وعان جوعارى لاۋازىمدى ادامدار اراسىنداعى سىبايلاس جەمقورلىقتى تەرگەۋ باسقارماسىنىڭ باسشىسى جۇگىنگەن.
قازىرگى تاڭدا يۋن سوك ەل «مەملەكەتكە وپاسىزدىق جاسادى» جانە «بيلىكتى اسىرا پايدالاندى» دەپ ايىپتالىپ وتىر.
ەسكە سالايىق، بۇعان دەيىن وڭتۇستىك كورەيا پرەزيدەنتى «اسكەري جاعداي» جاريالاعانى ءۇشىن ەلدەن كەشىرىم سۇراعان بولاتىن.
سەنبى كۇنى يۋن سوك ەلگە يمپيچمەنت ماسەلەسى پارلامەنتتە قارالىپ، بيلىك باسىنداعى پارتيا وپپوزيتسيا ۇسىنىسىنىڭ وتۋىنە كەدەرگى جاسادى.دەسە دە، بيلىككە باسەكەلەس دەموكراتيالىق پارتيا باسشىعا قارسى يمپيچمەنت جاريالاۋدى تالاپ ەتەتىن تاعى ءبىر ارىز تۇسىرەتىنىن مالىمدەدى.
