مەملەكەت باسشىسى قاسىم-جومارت توقاەۆ ۇلتتىق وليمپيادا كوميتەتىنىڭ پرەزيدەنتى گەننادي گولوۆكيندى قابىلدادى. بۇل تۋرالى بۇگىن، 9 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
پرەزيدەنتكە ۇلتتىق وليمپيادا كوميتەتىنىڭ اتقارعان جۇمىسى جانە الداعى كەزەڭگە ارنالعان جوسپارى تۋرالى مالىمەت بەرىلدى.
«گەننادي گولوۆكين سپورت ينفراقۇرىلىمىن جاقسارتۋ، قازاقستاندىق سپورتشىلاردى تىڭعىلىقتى دايارلاۋ، ەلىمىزدىڭ حالىقارالىق ارەناداعى بەدەلىن كوتەرۋ جونىندە سالالىق مينيسترلىكپەن بىرگە قابىلدانعان شارالار تۋرالى ايتتى»،—دەلىنگەن حابارلامادا.
قاسىم-جومارت توقاەۆ ۇوك الدىندا وليمپيادالىق سپورت تۇرلەرىن ىلگەرىلەتۋ مەن كۇشەيتۋ بويىنشا ماڭىزدى مىندەتتەر تۇرعانىن اتاپ ءوتتى. پرەزيدەنتتىڭ ايتۋىنشا، قۇراما كوماندالارىمىزدىڭ الەمدىك باسەكەلەردەگى ناتيجەلەرىن ارتتىرا ءتۇسۋ قاجەت.
مەملەكەت باسشىسى گەننادي گولوۆكيندى حالىقارالىق بوكس فەدەراتسياسى (World Boxing) وليمپيادا كوميسسياسىنىڭ توراعاسى بولىپ تاعايىندالۋىمەن قۇتتىقتادى.
