Memleket basshysy Qasym-Jomart Toqaev Ulttyq olımpıada komıtetiniń prezıdenti Gennadıı Golovkındi qabyldady. Bul týraly búgin, 9 jeltoqsanda Aqordanyń baspasóz qyzmeti jazdy, dep habarlaıdy «Adyrna» tilshisi.
Prezıdentke Ulttyq olımpıada komıtetiniń atqarǵan jumysy jáne aldaǵy kezeńge arnalǵan jospary týraly málimet berildi.
«Gennadıı Golovkın sport ınfraqurylymyn jaqsartý, qazaqstandyq sportshylardy tyńǵylyqty daıarlaý, elimizdiń halyqaralyq arenadaǵy bedelin kóterý jóninde salalyq mınıstrlikpen birge qabyldanǵan sharalar týraly aıtty»,—delingen habarlamada.
Qasym-Jomart Toqaev UOK aldynda olımpıadalyq sport túrlerin ilgeriletý men kúsheıtý boıynsha mańyzdy mindetter turǵanyn atap ótti. Prezıdenttiń aıtýynsha, qurama komandalarymyzdyń álemdik básekelerdegi nátıjelerin arttyra túsý qajet.
Memleket basshysy Gennadıı Golovkındi Halyqaralyq boks federaııasy (World Boxing) Olımpıada komıssııasynyń tóraǵasy bolyp taǵaıyndalýymen quttyqtady.
