7 قاراشا كۇنى اقش-تا قازاقتىڭ كورنەكتى ساياسي جانە قوعام قايراتكەرى مۇحامەتجان تىنىشبايۇلىنىڭ ۇلى، تەحنيكا عىلىمدارىنىڭ دوكتورى داۋلەت شەيح-ءالي-تىنىشباەۆ قايتىس بولدى. قارالى حاباردى باسپاگەر باقىتجان بۇقارباي جەتكىزدى، دەپ حابارلايدى «ادىرنا» ءتىلشىسى.
«الاشتىڭ ارىسى مۇحامەتجان تىنىشبايۇلىنىڭ تۋعان ۇلى، تەحنيكا عىلىمدارىنىڭ دوكتورى داۋلەت شەيح-ءالي-تىنىشپاەۆ (1931-2024) ەكى كۇن بۇرىن اقش-تا دۇنيەدەن وزدى دەگەن سۋىق حابار كەلدى. اتامىزدىڭ تۋىسقاندارىنا قايعىرىپ كوڭىل ايتامىز»،—دەپ جازدى ول.
ايتا كەتەيىك، داۋلەت مۇحامەتجانۇلى – 150-دەن اسا عىلىمي ەڭبەك پەن اۆتورلىق كۋالىكتەردىڭ يەسى. سونداي-اق قبتۋ مەن قازۇتۋ-دىڭ دوكتورلىق قورعاۋ بويىنشا بىرلەسكەن ديسسەرتاتسيالىق كەڭەسىنىڭ دە مۇشەسى بولىپ سايلانعان.
