ForteBank ۇزاق جىلدار بويى رەسپۋبليكانىڭ ءارتۇرلى ايماعىنداعى ءىرى بيزنەس پەن شوب سۋبەكتىلەرىنە قولداۋ كورسەتىپ كەلەدى. ولاردىڭ قاتارىندا بانك پاۆلودارلىق «سنن» وتاندىق كاسىپورنى بار. كومپانيا بانك جانە «دامۋ» قورىنىڭ قولداۋىمەن يننوۆاتسيالىق ءوندىرىستى ىسكە قوستى.
1998 جىلى قۇرىلعان كاسىپورىن قۇيۋ ءوندىرىسى مەن اككۋمۋلياتورلاردى مەحانيكالىق وڭدەۋگە ماماندانعان.
ForteBank كومپانياعا بيمەتالدىق جىلىتۋ رادياتورلارىن شىعاراتىن نەمىس Frech تەحنولوگيالىق جەلىسىن ساتىپ الۋ نەسيە بەردى.
«كومپانيامىز بيزنەستى دامىتۋدى قارجىلاندىرۋ ماقساتىندا ForteBank-كە جۇگىندى. بانك پەن «دامۋ» قورىنىڭ قولداۋىمەن ءبىز گەرمانيادان قىمبات يننوۆاتسيالىق قۇرال-جابدىقتاردى ساتىپ الىپ، جىلۋ رادياتورلارىنىڭ تولىققاندى ءوندىرىسىن ىسكە قوستىق. بۇل — جوعارى قىسىمدى بۇركۋ ماشيناسى. قۇرىلعى روبوتتاندىرىلعان بولعاندىقتان، ادامنىڭ ەڭبەككە تارتىلۋى بارىنشا ازايادى. ناتيجەسىندە ءبىزدىڭ ءوندىرىستىڭ مۇمكىندىكتەرى مەن تيىمدىلىگى بىرنەشە ەسە ءوسىپ وتىر. قازىرگى تاڭدا ەلىمىزدە ءبىزدىڭ ونىمگە دەگەن سۇرانىس ارتىپ كەلەدى. ForteBank-كە جەدەل جانە ۋاقتىلى قولداۋ، جاقسى قىزمەت كورسەتكەنى ءۇشىن العىس ايتامىز»،—دەيدى كومپانيا ديرەكتورى اندرەي موسكالەنكو.
بۇگىندە بيمەتالدىق جىلىتۋ رادياتورلارىن شىعارۋ جوباسى ىسكە قوسىلدى. گەرمانيادان الىنعان روبوتتى قوندىرعى جىلىنا 250-300 مىڭ سەكتسيا نەمەسە كۇنىنە 700-دەن استام سەكتسيا جيناي الادى. بىراق بۇل جابدىقتىڭ قۋاتى الدەقايدا جوعارى. ونىڭ ۇستىنە بۇل ماشينانى باسقارۋعا نەبارى ەكى ادام قاجەت. ياعني، قۇرىلعىمەن ماشينانى ىسكە قوسۋ جانە پەشكە مەتالدى تيەۋ وپەراتورى مەن پەشتەن دايىن بولشەكتەردى تۇسىرەتىن وپەراتور جۇمىس ىستەيدى.
اندرەي موسكالەنكونىڭ ايتۋىنشا، قازىرگى تاڭدا كاسىپورىن ايىنا شامامەن 25-30 مىڭ سەكتسيا شىعارادى. سونداي-اق كومپانيا ForteBank كومەگىمەن ونىمدەردى بوياۋ جانە وڭدەۋگە ارنالعان اۆتوماتتى جەلىنى ساتىپ الۋدى جوسپارلاپ وتىر. بۇل جىلىنا 1,5 ميلليون دانا اليۋميني رادياتورلارىن شىعارۋعا مۇمكىندىك بەرەدى.
نارىقتاعى 26 جىل ىشىندە كومپانيا بيزنەس سەرىكتەستەرى مەن كليەنتتەرى اراسىندا جوعارى بەدەلگە يە بولىپ، ءونىم اسسورتيمەنتىن كەڭەيتتى. كاسىپورىن ديرەكتورى وندىرىستە قولدانىلاتىن ماتەريالدار مەن شىعارىلاتىن ونىمدەردىڭ ساپاسىن مۇقيات قاداعالايتىن ماماندار توبى جۇمىس ىستەيتىنىن اتاپ ءوتتى.
«ForteBank «دامۋ» قورىمەن بىرلەسىپ، نەسيە باعدارلامالارىن، سونداي-اق ءوز باعدارلامالارىن دا ۇسىنادى. قازاقستاندىق بيزنەستى قولداۋ ەل ەكونوميكاسىنا، سونىڭ ىشىندە جاڭا جۇمىس ورىندارىنىڭ اشىلۋىنا، ايماقتاردىڭ الەۋمەتتىك جاعدايىنىڭ جاقسارۋىنا، جاڭا ءارى يننوۆاتسيالىق وندىرىستەردىڭ ىسكە قوسىلۋىنا وڭ اسەر ەتەدى. بۇل سونداي-اق جەرگىلىكتى كاسىپورىننىڭ جاڭا نارىقتارعا شىعۋىنا، جاڭا تاۋاشالاردى يگەرۋىنە جانە «سنن» زاۋىتى سياقتى ءوز ءوندىرىسىن روبوتتاندىرۋعا ۇلكەن سەرپىن بەرەدى. بيزنەسمەندەرمەن ۇلكەن تاجىريبەگە يە بولا وتىرىپ، ءبىز ولاردىڭ قاجەتتىلىكتەرىنە قاراي جەكە كوزقاراس پەن ءوز شەشىمدەرىمىزدى ۇسىنا الامىز»،— دەپ اتاپ ءوتتى «ForteBank» اق شاعىن جانە ورتا بيزنەس باعىتىنىڭ باسشىسى عاني ماقسۇت.
