رەسەيدە قازاق مەكتەپتەرى قاشان سالىنادى؟ بۇل سۇراققا ۇكىمەتتە ءباسپاسوز ءماسليحاتىن وتكىزگەن وقۋ-اعارتۋ ءمينيسترى عاني بەيسەمباەۆ جاۋاپ بەردى، دەپ حابارلايدى “ادىرنا” ۇلتتىق پورتالى.
«باستى ماقسات — قازاق باۋىرلارىمىز كوپ شوعىرلانعان جەرلەردە مەكتەپ سوعۋ. بۇل ءبىرشاما ۋاقىت الادى. ويتكەنى كەلىسىمشارتقا قول قويۋ، ودان كەيىن ونىڭ قارجىسىن شەشۋ، ول مەكتەپتىڭ قۇرىلىسىن، قانداي بولاتىنىن انىقتاۋ ءبىرشاما ۋاقىتتى قاجەت ەتەدى»، — دەدى ول.
ەستەرىڭىزگە سالا كەتەيىك، رەسەي پرەزيدەنتى ۆلاديمير پۋتين قازاقستاننىڭ وڭتۇستىك ايماقتارىندا ورىس مەكتەپتەرى اشىلاتىنىن بىرنەشە رەت ايتتى. ول رەسەيدە اشىلاتىن قازاق مەكتەپتەرى تۋرالى مۇلدەم ءسوز قوزعامادى.
ۇقساس جاڭالىقتار
