Soltústik Qazaqstan oblysy Maǵjan Jumabaev aýdanynyń ortalyǵy Býlaev qalasynda zeınetker óz úıinde tirideı janyp ketti. Bul týraly KTK telearnasy jarııalady, dep habarlady “Adyrna” ulttyq portaly.
Órt bastalǵanda jalǵyz turatyn 69 jastaǵy er adam uıyqtap jatqan. Zeınetkerdiń múmkindigi shekteýli ekeni anyqtaldy, ol ózdiginen júrip-tura almaǵan eken. Órt sóndirýshiler jetemin degenshe, úıdiń tóbesi opyrylyp ortasyna qulaǵan.
Qutqarýshylar marqumnyń denesin qırandy arasynan shyǵaryp aldy. Saraptama taǵaıyndalyp, órttiń neden shyqqqany anyqtalyp jatyr.
«Oqıǵa ornyna saǵat úshten 42 mınýt ketkende jetti. Órtengen aýmaq 55 sharshy metr. Ottyń neden tutanǵany anyqtalyp jatyr. Birqatar saraptama taǵaıyndaldy. Al marqum — birinshi toptaǵy múgedek», – deıdi SQO TJD basqarmasy bastyǵynyń orynbasary Aıan Qusaıynov.
