قاراعاندى قالاسىندا پوليتسەيلەر ارنايى وپەراتسيا بارىسىندا ءىرى ەسىرتكى زەرتحاناسىن جويدى. بۇل تۋرالى بۇگىن، 2 جەلتوقساندا ىشكى ىستەر مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«39 جاستاعى قالا تۇرعىنىن ۇستالدى. ءۇيدى ءتىنتۋ كەزىندە 1 توننادان استام پرەكۋرسور جانە 10 كەلىدەن استام دايىن ەسىرتكى «الفا-PVP» تاركىلەندى. سونداي-اق ەسىرتكى جاساۋعا ارنالعان جابدىقتار تابىلدى»،—دەلىنگەن حابارلامادا.
بۇل وپەراتسيانىڭ ناتيجەسىندە 500 مىڭ دوزاعا جۋىق سينتەتيكالىق ەسىرتكىنىڭ ساتىلۋىنا توسقاۋىل قويىلدى.
قىلمىستىق ءىس بويىنشا كۇدىكتى ۋاقىتشا ۇستاۋ يزولياتورىنا قامالدى.
