Búgin, 30 qarasha kúni, Qytaıdyń Sychýan ólkesindegi Chendý qalasynda Qytaı-Ortalyq Azııa syrtqy ister mınıstrleriniń besinshi kezdesýi resmı túrde bastalady. Kezdesýdi Qytaı syrtqy ister mınıstri Van I uıymdastyrýda, dep habarlaıdy "Adyrna" ulttyq portaly Qytaıdyń Jenmın jıbao gazetiniń saıtyna siltep.
Is-sharaǵa Ortalyq Azııanyń bes memleketiniń joǵary deńgeıdegi ókilderi qatysady. Qazaqstan delegaııasyn premer-mınıstrdiń orynbasary – syrtqy ister mınıstri Murat Nurtileý bastap keldi. Sondaı-aq, Qyrǵyzstannan Jeenbek Kýlýbaev, Tájikstannan Sırodjıddın Mýhrıddın, Túrkimenstannan Rashıd Meredov, Ózbekstannan Bahtııor Saıdov qatyspaq.
Bul jıyn 2023 jyly ótken Qytaı-Ortalyq Azııa Sıan sammıtiniń nátıjelerin júzege asyrý jáne 2024 jyly Qazaqstanda ótetin ekinshi sammıtke daıyndyq jumystaryn bastaýǵa baǵyttalǵan.
Qytaı syrtqy ister mınıstrliginiń baspasóz hatshysy Mao Nınniń aıtýynsha, kezdesý barysynda aımaqtyq yntymaqtastyqty damytý, ekonomıkalyq seriktestikti nyǵaıtý jáne qaýipsizdik máselelerin sheshý boıynsha birqatar mańyzdy qujattar talqylanady.
Kezdesý 1 jeltoqsanǵa deıin jalǵasady. Jıyn barysynda qatysýshylar aımaqtyq ıntegraııanyń jańa joldaryn qarastyryp, strategııalyq mańyzdy salalarda ózara yqpaldastyqty kúsheıtýge nazar aýdarady.
Bul kezdesý Qytaı men Ortalyq Azııa elderiniń ózara qarym-qatynasyn jańa deńgeıge kóterýge septigin tıgizedi dep kútilýde.
