27 قاراشا كۇنى الەۋمەتتىك جەلىدە استاناداعى LED ەكرانداردىڭ بىرىندە رەسەي تۋىنىڭ ورنىنا ۋكراينا تۋىنىڭ كورسەتىلگەن ۆيدەوسى ۇلكەن رەزونانس تۋدىردى، دەپ حابارلايدى “ادىرنا” ۇلتتىق پورتالى.
ءىىم وقيعاعا قاتىستى قىلمىستىق ءىس قوزعاعانىن حابارلادى.
مينيسترلىكتىڭ مالىمەتىنشە، «كەرۋەن مەديا» جشس-نا قاتىستى تەرگەۋ جۇمىستارى باستالعان. قازىرگى ۋاقىتتا وقيعانىڭ بارلىق ىقتيمال نۇسقالارى قاراستىرىلىپ جاتىر. الدىن الا بولجام بويىنشا، وقيعاعانىڭ سەبەبى يەحنيكالىق اقاۋلار مەن جابدىق جۇمىسىنا سىرتتان زاڭسىز ارالاسۋ مۇمكىندىگى.
“قىلمىستىق ءىس قوزعالدى. بارلىق ءمان-جايلار انىقتالۋدا. زاڭسىز ارەكەتكە بارعاندار جاۋاپقا تارتىلادى”، – دەلىنگەن مينيسترلىك مالىمدەمەسىندە.
بۇل وقيعا الەۋمەتتىك جەلىدە قىزۋ تالقىعا ءتۇسىپ، ءتۇرلى پىكىرلەر تۋعىزدى. قۇزىرلى ورگاندار تەرگەۋ ناتيجەلەرىن الداعى ۋاقىتتا حابارلاماق.
ايتا كەتەيىك، استانادا رەسەي تۋىنىڭ ءتۇسى ۋكراينا تۋىنىڭ تۇسىنە وزگەرگەنىن «كابەلدىڭ تۇيىقتالۋى» ارقىلى تۇسىندىرىلگەن ەدى.
