الماتى اكىمى ەربولات دوساەۆ قىتايدىڭ ەكسپورتتىق-يمپورتتىق بانكىنىڭ (ەكسيمبانك) ۆيتسە-پرەزيدەنتى يان دۋننين باستاعان دەلەگاتسياسىمەن كەزدەسۋ وتكىزدى.
تاراپتار ينفراقۇرىلىمدىق جانە جاسىل جوبالاردى دامىتۋعا، قارجى نارىعىن كەڭەيتۋگە، ساۋدا-ەكونوميكالىق بايلانىستار مەن ءوزارا تۋريستىك ءىس-قيمىلدى تەرەڭدەتۋگە باعىتتالعان ءوزارا ءتيىمدى ىنتىماقتاستىقتىڭ پەرسپەكتيۆالارىن تالقىلادى.
قالالىق كولىك ينفراقۇرىلىمى (جاڭا مەترو جەلىلەرىن سالۋ) سالاسىنداعى نەگىزگى جوبالاردى قارجىلاندىرۋ، جاڭا يندۋستريالىق جوبالارعا كوشە وتىرىپ، ەكونوميكانى ءارتاراپتاندىرۋ، جاسىل جوبالاردى ىسكە اسىرۋ (قتق وڭدەۋ زاۋىتىن سالۋ) جانە ءتۋريزمدى دامىتۋ ماسەلەلەرىنە ەرەكشە نازار اۋدارىلدى. كەزدەسۋ بارىسىندا 2024 جىل قىتايداعى قازاقستان ءتۋريزمى جىلى، كەلەسى 2025 جىل قازاقستانداعى قىتاي ءتۋريزمى جىلى بولىپ جاريالانعانى اتاپ ءوتىلدى. اعىمداعى جىلدىڭ ءبىرىنشى جارتىجىلدىعىندا الماتىعا قىتايدان 40 مىڭنان استام تۋريست كەلدى، بۇل وتكەن جىلدىڭ سايكەس كەزەڭىمەن سالىستىرعاندا 68% - عا كوپ.
سونىمەن قاتار، شەتەلدىك ينۆەستيتسيالاردى تارتۋداعى قالانىڭ ءرولى تالقىلاندى. اعىمداعى جىلدىڭ ءبىرىنشى جارتىجىلدىعىندا الماتىدا تىكەلەي شەتەلدىك ينۆەستيتسيالاردان 3,8 ملرد. اقش دوللارى تارتىلدى. الماتىنىڭ قىتايمەن تاۋار اينالىمى 9 ايدا. 2024 جىلى - 5,6 ملرد. اقش دوللارى (نەمەسە قحر-مەن قر تاۋار اينالىمىنىڭ 28,9%).
يان دۋننين حانىم جىلى قابىلداعانى ءۇشىن العىسىن ءبىلدىرىپ، ەكسيمبانكتىڭ مەگاپوليستى تۇراقتى دامىتۋعا باعىتتالعان بىرلەسكەن باستامالاردى قولداۋعا دايىن ەكەندىكتەرىن اتاپ ءوتتى.
سوڭىندا تاراپتار يندۋستريالاندىرۋدى، كولىك ينفراقۇرىلىمىن، قارجى نارىعىن جانە الماتىنىڭ تۋريستىك الەۋەتىن دامىتۋدى قوسا العاندا، بىرلەسكەن باستامالار شەڭبەرىندە جەمىستى ىنتىماقتاستىقتى جالعاستىرۋ نيەتىن راستادى.
