رەسەي مەن قازاقستاننىڭ قۇقىق قورعاۋ ورگاندارى ەكى ەلدىڭ ازاماتتارىنان تۇراتىن 15 ادامنان قۇرالعان قىلمىستىق توپتى ۇستادى. توپ ەكى ادامدى ۇرلاپ، ولاردى گاراجدا ۇستاعان. بۇل تۋرالى بايكونۋرينفو جاريالادى، دەپ حابارلايدى “ادىرنا” ۇلتتىق ارناسى.
اقپاراتقا سايكەس، قىلمىستىق توپتىڭ جەتەكشىسى — 38 جاستاعى رەسەي ازاماتى، بۇعان دەيىن سوتتالعان. ول تانىسىنىڭ كولىگىن ۇرلادى دەپ كۇدىكتەنىپ ەكى ادامدى ۇرلاۋدى جوسپارلاعان.
«ولار زارداپ شەككەندەردى گاراجدا ۇستاپ، ۇرىپ-سوققان. بىرىنە اۋىر دەنە جاراقاتى سالىپ، ومىرىنە قاۋىپ تونگەن»، — دەپ مالىمدەدى بايقوڭىرداعى تەرگەۋ ءبولىمىنىڭ اعا تەرگەۋشىسى ولەگ حانجين.
سوت قىلمىستىق توپ جەتەكشىسىن كىنالى دەپ تانىپ، وعان قاتاڭ رەجيمدەگى كولونيادا 10 جىل باس بوستاندىعىنان ايىرۋ جازاسىن تاعايىندادى. ال 14 قازاقستان ازاماتىنا قاتىستى ۇكىمدى قىزىلوردا وبلىسىنداعى قازالى اۋداندىق سوتى شىعاردى.
سوتتىڭ ءباسپاسوز قىزمەتىنىڭ مالىمەتى بويىنشا، 13 ايىپتالۋشى قر قىلمىستىق كودەكسىنىڭ 125-بابى 2-بولىگى («ادام ۇرلاۋ») جانە 126-بابى 3-بولىگى («زاڭسىز باس بوستاندىعىنان ايىرۋ») بويىنشا كىنالى دەپ تانىلىپ، ولارعا 7 جىلدان 8,5 جىلعا دەيىن باس بوستاندىعىنان ايىرۋ جازاسى بەلگىلەندى. ءبىر ايىپتالۋشى قىلمىستى جاسىرعانى ءۇشىن 8 ايعا تۇرمەگە قامالدى.
قازاقستاننىڭ قىزىلوردا وبلىستىق سوتى ايىپتالۋشىلاردىڭ جازالارىن جەڭىلدەتتى.
