تۇركىستان قالاسىندا قىزمەتكەرلەرىنىڭ سىياقىسىن جيناپ العان «ۆەتەرينارلىق قىزمەت» باسشىسى ب. بەگمانوۆ سوتتالدى. بۇل تۋرالى انتيكوردىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
ۆەدومستۆو مالىمەتىنشە، ول قىزمەتتىك وكىلەتتىگىن اسىرا پايدالانىپ، اۋداندىق 115 قىزمەتكەرگە سىياقى رەتىندە تولەنگەن 5,5 ملن تەڭگەنى جيناپ العانى ءۇشىن كىنالى دەپ تانىلدى.
«سوت ۇكىمىمەن ب. بەگمانوۆقا 3 جىل 6 اي مەرزىمگە باس بوستاندىعىن شەكتەۋ جازاسى تاعايىندالىپ، مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمدى قىزمەت اتقارۋ قۇقىعىنان ءومىر بويىنا ايىرىلدى. سوت ۇكىمى زاڭدى كۇشىنە ەنگەن جوق.
كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەلىنگەن حابارلامادا.
