استانانىڭ ەكى تۇرعىنى ەسىرتكى قۇرالدارىن تاراتقانى ءۇشىن 8 جانە 18 جىلعا دەيىن باس بوستاندىعىنان ايىرىلدى, دەپ حابارلايدى «ادىرنا» ءتىلشىسى.
قىزمەتتىك ىزدەستىرۋ ءيتى كەدەندىك باقىلاۋ ايماعىنداعى ۋاقىتشا ساقتاۋ قويماسىنان سالماعى 1 كگ بولاتىن «گاشيش» ەسىرتكى زاتىن تاپتى.
«قازپوشتا» ارقىلى سول الۋشىلاردىڭ اتىنا تاعى ءبىر سالەمدەمە جەتكىزىلگەن. سالەمدەمەدە جالپى سالماعى 7 گرامنان اساتىن كۇشتى پسيحوتروپتى زات تابىلعان.
«ايىپتالۋشىلاردىڭ ءبىرىنىڭ پاتەرىن ءتىنتۋ كەزىندە ەسىرتكى قۇرالدارى، سونداي-اق وراۋىش ماتەريالدار مەن تارازى تابىلدى. سوت شەشىمىمەن ءىستىڭ ەكى قاتىسۋشىسى كىنالى دەپ تانىلىپ، ورتاشا قاۋىپسىزدىك كولونياسىندا جازاسىن وتەي وتىرىپ، 8 جانە 18 جىل مەرزىمگە باس بوستاندىعىنان ايىرىلدى»،—دەلىنگەن حابارلامادا.
ايتا كەتەيىك، جىل باسىنان بەرى ەسىرتكى كونترابانداسى جانە زاڭسىز اينالىمى فاكتىلەرى بويىنشا 116 قىلمىستىق ءىس تىركەلىپ، 57,3 كگ ەسىرتكى تاركىلەندى.
