تيمۋر شالەكەنوۆ Yandex Qazaqstan كومپانياسىنىڭ باسشىسى بولىپ تاعايىندالدى، دەپ حابارلايدى "ادىرنا" ۇلتتىق پورتالى.
جاڭا باسشىنىڭ مىندەتتەرىنە كومپانيانى باسقارۋ جانە قازاقستانداعى سەرۆيستەردىڭ ەكوجۇيەسىن دامىتۋ كىرەدى.
جاڭا باسشى تيمۋر شالەكەنوۆ ياندەكس-كە كەلگەنگە دەيىن BTS Digital حولدينگى شەڭبەرىندە قارجى-تەحنيكالىق بولىمشەلەردى باسقاردى: الەۋمەتتىك ءاميان (G2C), جەدەل تولەمدەر جۇيەسى، كاسسا24-تەگى ەلەكتروندىق قارجى سەرۆيستەرى جانە Finnovate-تەگى توكەنيزاتسيا ونىمدەرى.
"مەنىڭ پروداكت مەنەدجمەنتتەگى بەكگراۋندىم، سونداي-اق جاڭا سەرۆيستەردى، ونىمدەردى جانە بيزنەس باعىتتارىن ىسكە قوسۋداعى تاجىريبەم ماعان ياندەكس تەحنولوگيالارىنىڭ الەۋەتىن ءتيىمدى پايدالانۋعا جانە قازاقستاندىقتار ءۇشىن كوبىرەك مۇمكىندىكتەر جاساۋعا كومەكتەسەدى دەپ ۇمىتتەنەمىن", - دەدى تيمۋر شالەكەنوۆ.Yandex Qazaqstan جاساندى ينتەللەكت تەحنولوگيالارىنىڭ نەگىزىندە ونىمدەر مەن سەرۆيستەر جاسايدى. ەلدە كومپانيانىڭ 15-تەن استام سەرۆيسى جۇمىس ىستەيدى.
ۇقساس جاڭالىقتار
