سوڭعى جىلدارى قازاقستاندىق كاسىپورىندار ءوز قىزمەتىنە تسيفرلىق تەحنولوگيالاردى بەلسەندى تۇردە ەنگىزىپ جاتىر، بۇل ولاردىڭ تيىمدىلىگى مەن باسەكەگە قابىلەتتىلىگىن ەداۋىر جاقسارتادى. ەلەكتروندىق تولەمدەر، قاراجات اۋدارۋعا ارنالعان ءموبيلدى قوسىمشالار جانە ونلاين-بانكينگ بيزنەستىڭ اجىراماس بولىگىنە اينالۋدا.
جىل وتكەن سايىن قر-دا قولما-قول اقشاسىز تولەمدەردى قابىلداۋعا قابىلەتتى كاسىپورىندار سانىنىڭ قارقىندى ءوسۋى بايقالادى. ماسەلەن، 2024 جىلعى 1 قازانداعى جاعداي بويىنشا مۇنداي كاسىپورىنداردىڭ سانى ءبىر جىلدا 26,9%-عا، 967,6 مىڭعا دەيىن ۇلعايدى. بۇل رەتتە وسى كاسىپورىنداردىڭ ساۋدا ورىندارىنىڭ سانى 22,7%-عا، ياعني 1,1 ملن دەيىن ءوستى. بۇل كاسىپورىنداردىڭ تولەمدەر مەن قارجىعا بايلانىستى تسيفرلىق تەحنولوگيالارعا سۇرانىسىنىڭ ارتۋىنىڭ تىكەلەي كورسەتكىشى.
قولما-قول اقشاسىز تولەم قابىلدايتىن كاسىپورىندار سانى رەسپۋبليكا بويىنشا ورتاشا كورسەتكىشتەر سياقتى ەلىمىزدىڭ بارلىق وڭىرلەرىندە جوعارى قارقىنمەن ءوسىپ جاتقانىن، ياعني بۇل ۇلكەن قالالاردىڭ نەمەسە بەلگىلى ءبىر وبلىستاردىڭ ەرەكشەلىگى ەمەس ەكەنىن ايتىپ وتكەن ءجون.
قولما-قول اقشاسىز تولەمدەر قابىلدايتىن كاسىپورىندار سانىنىڭ ءوسۋىنىڭ نەگىزگى سەبەبى ەلىمىزدەگى بانكتەردىڭ تەك جەكە تۇلعالارعا ەمەس، سول سياقتى بيزنەسكە باعىتتالعان تسيفرلىق قىزمەتتەرىنىڭ دامۋى بولىپ تابىلادى. ءموبيلدى بانكينگ قارجىنى باسقارۋ ءۇشىن قولايلى ءارى ساپالى قۇرالدار مەن تاعى باسقالارىن ۇسىنا وتىرىپ، قازاقستاندىق كومپانيالار اراسىندا تەز تانىمال بولدى.
بانكتەردىڭ بيزنەسكە ارنالعان ءموبيلدى قوسىمشالارى بويىنشا جەكە ستاتيستيكا جوق، الايدا جالپى كورىنىس حالىقتىڭ دا، زاڭدى تۇلعالاردىڭ دا ەدب ءموبيلدى قوسىمشالارىن پايدالانۋ دەڭگەيىن كورسەتەدى. ماسەلەن، 2024 جىلدىڭ قىركۇيەك ايىنىڭ سوڭىنداعى جاعداي بويىنشا بانكتەردىڭ ونلاين-سەرۆيستەرىن بەلسەندى پايدالانۋشىلاردىڭ جالپى سانى، سونىڭ ىشىندە بيزنەسكە ارنالعان ەدب ءموبيلدى قوسىمشالارىن پايدالانۋشىلار سانىنىڭ ءوسۋى ەسەبىنەن ءبىر جىلدا 12,4%-عا — 24,8 ملن-عا دەيىن ءوستى.
بۇگىندە ەلىمىزدىڭ بارلىق ءىرى بانكتەرىندە بيزنەسكە ارنالعان ءموبيلدى قوسىمشالار بار جانە بانكتەر ولاردى بەلسەندى تۇردە دامىتۋدا. ەلىمىزدە العاشقىلاردىڭ ءبىرى بولىپ بيزنەسكە ارنالعان بانكينگتى ForteBank دامىتا باستادى. قازىرگى تاڭدا قارجى ينستيتۋتىنىڭ ForteBusiness ءموبيلدى قوسىمشاسى جۇمىس ىستەيدى، ول كاسىپكەرلەردىڭ اراسىندا جوعارى سۇرانىسقا يە. بۇل رەتتە Forte-ءنىڭ ونلاين-بانكينگىن ءموبيلدى قۇرىلعىدان قوسىمشا رەتىندە، سول سياقتى كومپيۋتەردەگى دەسكتوپ نۇسقاسىن دا پايدالانۋعا بولادى.
ForteBusiness ءموبيلدى ينتەرنەت-بانكينگى ارقىلى ءارالۋان قىزمەتتەردى الۋعا جانە ءتۇرلى ءىس-ارەكەتتەردى جۇزەگە اسىرۋعا بولادى، سونىڭ ىشىندە:
• جك مەن جشس ءۇشىن ونلاين-شوت اشۋ، بىردەن دەرەكتەمەلەردى الىپ، وپەراتسيالاردى جۇرگىزۋدى باستاۋ;
• جك مەن جشس تىركەۋ;
• جك مەن جشس ءۇشىن ءۇش مينۋت ىشىندە 20 ملن تەڭگەگە دەيىن كەپىلسىز نەسيە الۋ;
• تىكەلەي قوسىمشادان تسيفرلىق كارتا شىعارۋ، سونداي-اق كارتانىڭ ءنومىرى بويىنشا (ر2ر) اقشا اۋدارۋ;
• بيۋدجەتكە تولەمدەر — الەۋمەتتىك تولەمدەر، زەينەتاقى، سالىق، ءمامس تولەمدەرىن جاساۋ;
• ترەكينگپەن شەتەل ۆاليۋتاسىندا، سونداي-اق ءوز شوتتارى اراسىندا ءارتۇرلى ۆاليۋتادا تولەمدەر مەن اۋدارىمدار جاساۋ;
• جەكە ايىرباستاۋ باعامى بويىنشا كوميسسياسىز وپەراتسيالار جۇرگىزۋگە مۇمكىندىك بەرەتىن ForteX قىزمەتىن پايدالانۋ;
• كوپتەگەن باسقا قىزمەتتەر.
جالپى العاندا ەدب بيزنەسكە ارنالعان ءموبيلدى قوسىمشالارىنىڭ كوپتەگەن ارتىقشىلىعى بار. ولاردىڭ نەگىزگىلەرىن تومەندەگى ينفوگرافيكامىزدا كورسەتتىك.
