مەملەكەت باسشىسىنىڭ تاپسىرماسىنا سايكەس ازاماتتاردىڭ جەكەلەگەن ساناتىنىڭ باسپانا ماسەلەسىن جەدەل شەشۋ ماقساتىندا جالعا العان تۇرعىن ءۇيدى سۋبسيديالاۋ تەتىگى ىسكە قوسىلعانى بەلگىلى. وسى ورايدا شىمكەنت تۇرعىندارىن باسپانامەن قامتۋ شارالارى دا ءوز ناتيجەسىن بەرىپ كەلەدى. باسپانا كەزەگىندە تۇرىپ، وزدەرى جالدامالى پاتەردى پانالاپ جۇرگەن وتباسىلاردى قولداۋ ماقساتىندا جالداۋ اقىسىنىڭ 50 پايىزىن سۋبسيديالاۋ جوباسى جۇزەگە اسىرىلىپ جاتىر.
2023 جىلى سۋبسيديالاۋ تەتىگىنە 2105 ازاماتتىڭ ءوتىنىمى ماقۇلدانىپ، ولارعا 191 173 000 تەڭگە تولەمدەر جۇرگىزىلدى. سونداي-اق وتكەن جىلى سۋبسيديا الۋشىلاردىڭ اتالعان جەڭىلدىكتى ماقساتتى پايدالانۋلارىنا مونيتورينگ جۇمىستارى جۇرگىزىلگەن. ناتيجەسىندە 500-گە جۋىق ازاماتتىڭ ماقساتسىز پايدالانعانى انىقتالىپ، تاعايىندالعان سۋبسيديا توقتاتىلعان. ال 2024 جىل باسىنان جەرگىلىكتى بيۋدجەتتەن 2739 ازاماتقا تۇرعىن ءۇي سۋبسيدياسى تولەنىپ، سۋبسيديانى ماقساتسىز پايدالانعان 277 ازاماتتىڭ سۋبسيدياسى توقتاتىلدى. قازىرگى تاڭدا 2496 ازامات سۋبسيديا الۋدا.
تۇرعىن ءۇي سەرتيفيكاتى:
بۇگىنگى تاڭدا، 392 ازاماتقا 357,8 ملن. تەڭگەگە تۇرعىن ءۇي سەرتيفيكاتتارى بەرىلدى.
ونىڭ ىشىندە:
- 1,2 - توپ مۇگەدەكتىگى بار ازاماتتار – 123;
- مۇگەدەكتىگى بار بالا اسىراۋشى وتباسىلار – 82;
- جەتىم جانە اتا-اناسىنىڭ قامقورلىعىنسىز قالعان بالالار – 16;
- كوپبالالى وتباسىلار – 73;
- تولىق ەمەس وتباسىلار – 33;
- بيۋدجەتتىك مەكەمە قىزمەتكەرلەرى – 65.
ايتا كەتۋ كەرەك، 2023 جىلى قايتارىمسىز نەگىزدە جالپى سوماسى 129,7 ملن. تگ. تۇرعىن ءۇي سەرتيفاتتارى تولەم قابىلەتتىلىگىن راستاعان 148 ازاماتقا بەرىلگەن.
پاتەرلەردى جەكەشەلەندىرۋ:
2024 جىل باسىنان تۇرعىنجايلارىن جەكەشەلەندىرۋگە 181 ءوتىنىم ءتۇسىپ، قارالۋدا. ونىڭ ىشىندە: 141 پاتەر قۇنىن تولەۋ نەگىزىندە، 18 ازاماتتىڭ پاتەرى وتەۋسىز جەكەشەلەندىرىلدى.
كوپقاباتتى تۇرعىن ۇيلەردى اعىمداعى جوندەۋ:
قالانىڭ باستى كوشەلەرىندە ورنالاسقان كوپقاباتتى تۇرعىن ۇيلەردىڭ قاسبەتتەرىن اعىمداعى جوندەۋگە 62 كوپقاباتتى تۇرعىن ۇيگە اعىمداعى جوندەۋ جۇرگىزۋ جوسپارلانىپ، 54 كوپقاباتتى تۇرعىن ءۇيدىڭ جۇمىستارى اياقتالىپ، 8 كوپقاباتتى تۇرعىن ۇيگە جۇمىستار جالعاسۋدا.
