Memleket basshysynyń tapsyrmasyna sáıkes azamattardyń jekelegen sanatynyń baspana máselesin jedel sheshý maqsatynda jalǵa alǵan turǵyn úıdi sýbsıdııalaý tetigi iske qosylǵany belgili. Osy oraıda Shymkent turǵyndaryn baspanamen qamtý sharalary da óz nátıjesin berip keledi. Baspana kezeginde turyp, ózderi jaldamaly páterdi panalap júrgen otbasylardy qoldaý maqsatynda jaldaý aqysynyń 50 paıyzyn sýbsıdııalaý jobasy júzege asyrylyp jatyr.
2023 jyly sýbsıdııalaý tetigine 2105 azamattyń ótinimi maquldanyp, olarǵa 191 173 000 teńge tólemder júrgizildi. Sondaı-aq ótken jyly sýbsıdııa alýshylardyń atalǵan jeńildikti maqsatty paıdalanýlaryna monıtorıng jumystary júrgizilgen. Nátıjesinde 500-ge jýyq azamattyń maqsatsyz paıdalanǵany anyqtalyp, taǵaıyndalǵan sýbsıdııa toqtatylǵan. Al 2024 jyl basynan jergilikti bıýdjetten 2739 azamatqa turǵyn úı sýbsıdııasy tólenip, sýbsıdııany maqsatsyz paıdalanǵan 277 azamattyń sýbsıdııasy toqtatyldy. Qazirgi tańda 2496 azamat sýbsıdııa alýda.
Turǵyn úı sertıfıkaty:
Búgingi tańda, 392 azamatqa 357,8 mln. teńgege turǵyn úı sertıfıkattary berildi.
Onyń ishinde:
- 1,2 - top múgedektigi bar azamattar – 123;
- múgedektigi bar bala asyraýshy otbasylar – 82;
- jetim jáne ata-anasynyń qamqorlyǵynsyz qalǵan balalar – 16;
- kópbalaly otbasylar – 73;
- tolyq emes otbasylar – 33;
- bıýdjettik mekeme qyzmetkerleri – 65.
Aıta ketý kerek, 2023 jyly qaıtarymsyz negizde jalpy somasy 129,7 mln. tg. turǵyn úı sertıfattary tólem qabilettiligin rastaǵan 148 azamatqa berilgen.
Páterlerdi jekeshelendirý:
2024 jyl basynan turǵynjaılaryn jekeshelendirýge 181 ótinim túsip, qaralýda. Onyń ishinde: 141 páter qunyn tóleý negizinde, 18 azamattyń páteri óteýsiz jekeshelendirildi.
Kópqabatty turǵyn úılerdi aǵymdaǵy jóndeý:
Qalanyń basty kóshelerinde ornalasqan kópqabatty turǵyn úılerdiń qasbetterin aǵymdaǵy jóndeýge 62 kópqabatty turǵyn úıge aǵymdaǵy jóndeý júrgizý josparlanyp, 54 kópqabatty turǵyn úıdiń jumystary aıaqtalyp, 8 kópqabatty turǵyn úıge jumystar jalǵasýda.
