شىمكەنت قالاسى بويىنشا تۇرعىن ءۇي الۋ تىزىمىندە 51 140 ازامات تىركەلگەن، ونىڭ ىشىندە:
- جەتىم جانە اتا-اناسىنىڭ قامقورلىعىنسىز قالعان بالالار ساناتى بويىنشا – 1 803;
- كوپبالالى وتباسىلار 15 449;
- حالىقتىڭ الەۋمەتتىك جاعىنان وسال توبى – 17 823;
- مەملەكەتتىك قىزمەتشىلەر، بيۋدجەتتىك ۇيىم جانە اسكەري قىزمەتشىلەر – 16 042;
- جالعىز تۇرعىن ءۇيى اپاتتى جاعدايدا دەپ تانىلعان ازاماتتار- 24.
2024 جىلى شىمكەنت قالاسى بويىنشا مەملەكەتتىك باعدارلاما اياسىندا جىل سوڭىنا دەيىن 4574 وتباسى پاتەرمەن قامتىلاتىن بولادى.
اعىمداعى جىل سوڭىنا دەيىن تۇرعىن ءۇي كەزەگىندە تىركەلگەن ازاماتتارعا ارەندالىق ساتىپ الۋ قۇقىعىنسىز 1 000 ازاماتقا (جەتىم جانە اتا-اناسىنىڭ قامقورلىعىنسىز قالعان بالالار – 200, كوپبالالى وتباسىلار – 351, حالىقتىڭ وسال توپتارى – 449) ارەندالىق پاتەر بەرىلۋى جوسپارلانعان. ونىڭ ىشىندە، بۇگىنگى تاڭدا 251 پاتەر (جەتىم جانە اتا-اناسىنىڭ قامقورلىعىنسىز قالعان بالالار – 91, كوپبالالى وتباسىلار – 48, حالىقتىڭ الەۋمەتتىك جاعىنان وسال توپتارى – 112) پايدالانۋعا بەرىلدى.
2023 جىلدان وتپەلى بولعان 280 پاتەر بيىل قونىستاندىرىلدى.
سونداي اق، 35 جاسقا دەيىنگى جۇمىس ىستەيتىن جاس 900 ارەندالىق باسپاناعا قول جەتكىزەدى.
بۇدان بولەك، مەملەكەتتىك باعدارلامالار بويىنشا «2-10-20» جانە «5-10-20» باعىتتارى اياسىندا جەڭىلدەتىلگەن نەسيەلىك نەگىزدە اعىمداعى جىلعا جوسپارلانعان 2274 پاتەردىڭ ىشىندە 432 پاتەرگە كەلىسىم-شارتتار ءتۇزىلىپ، ازاماتتارعا قولدانىسقا تابىستالدى.
سونىمەن قاتار، 2023 جىلدان وتپەلى بولعان جالپى 1041 پاتەر ازاماتتار اراسىندا 2024 جىلى ۇلەستىرىلدى. وسىلايشا، نەسيەلىك باعىتتا جالپى 1473 پاتەر بەرىلدى.
بيىلعى جىلعا قامقور وڭىرلىك باعدارلاماسىنا جەرگىلىكتى بيۋدجەتتەن 5 ملرد. تەڭگە جانە «وتباسى بانك» اق-نان 3 ملرد. تەڭگە جالپى 8 ملرد تەڭگە ءبولىنىپ، اعىمداعى جىلى 400-دەن كەم ەمەس وتباسىنى نەسيەلەندىرۋ كوزدەلۋدە.
نەسيەنىڭ ەڭ جوعارى مولشەرلەمەسى 20 ملن. تەڭگەگە دەيىن، پايىزدىق مولشەرلەمە – 6%، باستاپقى جارنا 10%-دان كەم ەمەس، نەسيەنىڭ ماكسيمالدى مەرزىمى 25 جىلعا دەيىن.
تۇرعىن ءۇيدى باستاپقى جانە ەكىنشى نارىقتان الۋعا مۇمكىندىگى قارالعان.
قازىرگى تاڭدا، «قامقور» وڭىرلىك باعدارلاماسىنا وتىنىمدەردى قابىلداۋ Otbasybank.kz جىلجىمايتىن مۇلىك پورتالىندا 2024 جىلدىڭ 30 قىركۇيەك ساعات 16:00 باستاپ – 2024 جىلدىڭ 28 قاراشاسى ساعات 18:00 دەيىن جالعاسۋدا.
تۇگەندەۋ جۇمىستارى ناتيجەسىندە تۇرعىن ءۇي كەزەگىنەن 6 972 ازامات ەسەپتەن شىعارىلدى.
مەملەكەتتىك تۇرعىن ءۇي قورىنان بەرىلەتىن تۇرعىن ءۇيدىڭ جالداۋ شارتىنىڭ تالاپتارىنىڭ ساقتالۋى مىندەتتى.
وسى ورايدا، 2023 جىلى 2000-نان استام پاتەر تەكسەرىلىپ 68 وتباسى تۇرعىنجايدى ماقساتسىز پايدالانىپ وتىرعاندىعى انىقتالسا،
2024 جىلى 1000 جۋىق پاتەر تەكسەرىلىپ 30 وتباسىنىڭ تۇرعىنجايدى ءۇشىنشى تۇلعالارعا جالعا بەرىلگەندىگى انىقتالدى.
ناتيجەسىندە باسقارما تاراپىنان ءتيىستى اكتىلەر تولتىرىپ حابارلاما حاتتار جولدانىپ، تۇرعىندار تاراپىنان ەسكەرتۋلەر نازارعا الىنىپ، تۇزەتىلدى.
مونيتورينگ بارىسىندا 2023 جىلى ماقساتسىز پايدالانىلعان 2 پاتەر باسقارما تارىپىنان، 7 پاتەر ازاماتتاردىڭ ءوز ەركىمەن قايتارىلسا، 2024 جىلى 25 پاتەر ءوز ەركىمەن مەملەكەت قورىنا كەرى قايتىرىلدى.
تەكسەرۋ جۇمىستارى بارىسىندا تۇرعىنجايدىڭ ءۇشىنشى تۇلعالاردىڭ پايدالانۋىنا بەرۋ فاكتىسى انىقتالعان جاعدايدا ءتيىستى اكتىلەر تولتىرىلىپ، جالداۋ شارتىنىڭ تالاپتارى ورىندالماي وتىرعاندىعى جانە ورىن العان جاعداي قايتالاناتىن بولسا كەلىسىمشارتتى بىرجاقتى بۇزۋ ماسەلەسى قارالاتىندىعى ەسكەرتىلگەن حابارلاما حات جولداناتىن بولادى.
