Shymkent qalasy boıynsha turǵyn úı alý tiziminde 51 140 azamat tirkelgen, onyń ishinde:
- jetim jáne ata-anasynyń qamqorlyǵynsyz qalǵan balalar sanaty boıynsha – 1 803;
- kópbalaly otbasylar 15 449;
- halyqtyń áleýmettik jaǵynan osal toby – 17 823;
- memlekettik qyzmetshiler, bıýdjettik uıym jáne áskerı qyzmetshiler – 16 042;
- jalǵyz turǵyn úıi apatty jaǵdaıda dep tanylǵan azamattar- 24.
2024 jyly Shymkent qalasy boıynsha memlekettik baǵdarlama aıasynda jyl sońyna deıin 4574 otbasy pátermen qamtylatyn bolady.
Aǵymdaǵy jyl sońyna deıin turǵyn úı kezeginde tirkelgen azamattarǵa arendalyq satyp alý quqyǵynsyz 1 000 azamatqa (jetim jáne ata-anasynyń qamqorlyǵynsyz qalǵan balalar – 200, kópbalaly otbasylar – 351, halyqtyń osal toptary – 449) arendalyq páter berilýi josparlanǵan. Onyń ishinde, búgingi tańda 251 páter (jetim jáne ata-anasynyń qamqorlyǵynsyz qalǵan balalar – 91, kópbalaly otbasylar – 48, halyqtyń áleýmettik jaǵynan osal toptary – 112) paıdalanýǵa berildi.
2023 jyldan ótpeli bolǵan 280 páter bıyl qonystandyryldy.
Sondaı aq, 35 jasqa deıingi jumys isteıtin jas 900 arendalyq baspanaǵa qol jetkizedi.
Budan bólek, Memlekettik baǵdarlamalar boıynsha «2-10-20» jáne «5-10-20» baǵyttary aıasynda jeńildetilgen nesıelik negizde aǵymdaǵy jylǵa josparlanǵan 2274 páterdiń ishinde 432 páterge kelisim-sharttar túzilip, azamattarǵa qoldanysqa tabystaldy.
Sonymen qatar, 2023 jyldan ótpeli bolǵan jalpy 1041 páter azamattar arasynda 2024 jyly úlestirildi. Osylaısha, nesıelik baǵytta jalpy 1473 páter berildi.
Bıylǵy jylǵa Qamqor óńirlik baǵdarlamasyna jergilikti bıýdjetten 5 mlrd. teńge jáne «Otbasy bank» AQ-nan 3 mlrd. teńge jalpy 8 mlrd teńge bólinip, aǵymdaǵy jyly 400-den kem emes otbasyny nesıelendirý kózdelýde.
Nesıeniń eń joǵary mólsherlemesi 20 mln. teńgege deıin, paıyzdyq mólsherleme – 6%, bastapqy jarna 10%-dan kem emes, nesıeniń maksımaldy merzimi 25 jylǵa deıin.
Turǵyn úıdi bastapqy jáne ekinshi naryqtan alýǵa múmkindigi qaralǵan.
Qázirgi tańda, «Qamqor» óńirlik baǵdarlamasyna ótinimderdi qabyldaý Otbasybank.kz jyljymaıtyn múlik portalynda 2024 jyldyń 30 qyrkúıek saǵat 16:00 bastap – 2024 jyldyń 28 qarashasy saǵat 18:00 deıin jalǵasýda.
Túgendeý jumystary nátıjesinde turǵyn úı kezeginen 6 972 azamat esepten shyǵaryldy.
Memlekettik turǵyn úı qorynan beriletin turǵyn úıdiń jaldaý shartynyń talaptarynyń saqtalýy mindetti.
Osy oraıda, 2023 jyly 2000-nan astam páter tekserilip 68 otbasy turǵynjaıdy maqsatsyz paıdalanyp otyrǵandyǵy anyqtalsa,
2024 jyly 1000 jýyq páter tekserilip 30 otbasynyń turǵynjaıdy úshinshi tulǵalarǵa jalǵa berilgendigi anyqtaldy.
Nátıjesinde basqarma tarapynan tıisti aktiler toltyryp habarlama hattar joldanyp, turǵyndar tarapynan eskertýler nazarǵa alynyp, túzetildi.
Monıtorıng barysynda 2023 jyly maqsatsyz paıdalanylǵan 2 páter basqarma tarypynan, 7 páter azamattardyń óz erkimen qaıtarylsa, 2024 jyly 25 páter óz erkimen memleket qoryna keri qaıtyryldy.
Tekserý jumystary barysynda turǵynjaıdyń úshinshi tulǵalardyń paıdalanýyna berý faktisi anyqtalǵan jaǵdaıda tıisti aktiler toltyrylyp, jaldaý shartynyń talaptary oryndalmaı otyrǵandyǵy jáne oryn alǵan jaǵdaı qaıtalanatyn bolsa kelisimshartty birjaqty buzý máselesi qaralatyndyǵy eskertilgen habarlama hat joldanatyn bolady.
