Şymkent: Memlekettık baǧdarlama aiasynda 5 myŋǧa juyq otbasy jyl soŋyna deiın baspanamen qamtylady

Şymkent qalasy boiynşa tūrǧyn üi alu tızımınde 51 140 azamat tırkelgen, onyŋ ışınde: - jetım jäne ata-anasynyŋ qamqorlyǧynsyz qalǧan balalar sanaty boiynşa – 1 803; - köpbalaly otbasylar 15 449; - halyqtyŋ äleumettık jaǧynan osal toby – 17 823; - memlekettık qyzmetşıler, biudjettık ūiym jäne äskeri qyzmetşıler – 16 042; - jalǧyz tūrǧyn üiı apatty jaǧdaida dep tanylǧan azamattar- 24. 2024 jyly Şymkent qalasy boiynşa memlekettık baǧdarlama aiasynda jyl soŋyna deiın 4574 otbasy pätermen qamtylatyn bolady. Aǧymdaǧy jyl soŋyna deiın tūrǧyn üi kezegınde tırkelgen azamattarǧa arendalyq satyp alu qūqyǧynsyz 1 000 azamatqa (jetım jäne ata-anasynyŋ qamqorlyǧynsyz qalǧan balalar – 200, köpbalaly otbasylar – 351, halyqtyŋ osal toptary – 449) arendalyq päter berıluı josparlanǧan. Onyŋ ışınde, bügıngı taŋda 251 päter (jetım jäne ata-anasynyŋ qamqorlyǧynsyz qalǧan balalar – 91, köpbalaly otbasylar – 48, halyqtyŋ äleumettık jaǧynan osal toptary – 112) paidalanuǧa berıldı. 2023 jyldan ötpelı bolǧan 280 päter biyl qonystandyryldy. Sondai aq, 35 jasqa deiıngı jūmys ısteitın jas 900 arendalyq baspanaǧa qol jetkızedı. Būdan bölek, Memlekettık baǧdarlamalar boiynşa «2-10-20» jäne «5-10-20» baǧyttary aiasynda jeŋıldetılgen nesielık negızde aǧymdaǧy jylǧa josparlanǧan 2274 päterdıŋ ışınde 432 päterge kelısım-şarttar tüzılıp, azamattarǧa qoldanysqa tabystaldy. Sonymen qatar, 2023 jyldan ötpelı bolǧan jalpy 1041 päter azamattar arasynda 2024 jyly ülestırıldı. Osylaişa, nesielık baǧytta jalpy 1473 päter berıldı. Biylǧy jylǧa Qamqor öŋırlık baǧdarlamasyna jergılıktı biudjetten 5 mlrd. teŋge jäne «Otbasy bank» AQ-nan 3 mlrd. teŋge jalpy 8 mlrd teŋge bölınıp, aǧymdaǧy jyly 400-den kem emes otbasyny nesielendıru közdelude. Nesienıŋ eŋ joǧary mölşerlemesı 20 mln. teŋgege deiın, paiyzdyq mölşerleme – 6%, bastapqy jarna 10%-dan kem emes, nesienıŋ maksimaldy merzımı 25 jylǧa deiın. Tūrǧyn üidı bastapqy jäne ekınşı naryqtan aluǧa mümkındıgı qaralǧan. Qäzırgı taŋda, «Qamqor» öŋırlık baǧdarlamasyna ötınımderdı qabyldau Otbasybank.kz jyljymaityn mülık portalynda 2024 jyldyŋ 30 qyrküiek saǧat 16:00 bastap – 2024 jyldyŋ 28 qaraşasy saǧat 18:00 deiın jalǧasuda. Tügendeu jūmystary nätijesınde tūrǧyn üi kezegınen 6 972 azamat esepten şyǧaryldy. Memlekettık tūrǧyn üi qorynan berıletın tūrǧyn üidıŋ jaldau şartynyŋ talaptarynyŋ saqtaluy mındettı. Osy oraida, 2023 jyly 2000-nan astam päter tekserılıp 68 otbasy tūrǧynjaidy maqsatsyz paidalanyp otyrǧandyǧy anyqtalsa, 2024 jyly 1000 juyq päter tekserılıp 30 otbasynyŋ tūrǧynjaidy üşınşı tūlǧalarǧa jalǧa berılgendıgı anyqtaldy. Nätijesınde basqarma tarapynan tiıstı aktıler toltyryp habarlama hattar joldanyp, tūrǧyndar tarapynan eskertuler nazarǧa alynyp, tüzetıldı. Monitoring barysynda 2023 jyly maqsatsyz paidalanylǧan 2 päter basqarma tarypynan, 7 päter azamattardyŋ öz erkımen qaitarylsa, 2024 jyly 25 päter öz erkımen memleket qoryna kerı qaityryldy. Tekseru jūmystary barysynda tūrǧynjaidyŋ üşınşı tūlǧalardyŋ paidalanuyna beru faktısı anyqtalǧan jaǧdaida tiıstı aktıler toltyrylyp, jaldau şartynyŋ talaptary oryndalmai otyrǧandyǧy jäne oryn alǧan jaǧdai qaitalanatyn bolsa kelısımşartty bırjaqty būzu mäselesı qaralatyndyǧy eskertılgen habarlama hat joldanatyn bolady.