بولاشاقتىڭ كىلتى - جاستاردىڭ قولىندا

تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “BASTAU Talks” قوعامدىق لەكتسيا اياسىندا “Dauletten” قورىنىڭ باسشىسى جاسۇلان بوستاندىقۇلى، تالانتتى اقىن، فيلولوگ ايدار سەيدازىم مەن V دۇنيەجۇزىلىك كوشپەندىلەر ويىندارى ۆولونتەرلارىنىڭ جەتەكشىسى، “قازاقستان جاستارى كونگرەسىنىڭ” اتقارۋشى ديرەكتورى باقداۋلەت جاندىلداەۆ ساۋران اۋدانىنىڭ جاستارمەن كەزدەستى. 🔹جاسۇلان بوستاندىقۇلى “Dauletten” قورى ارقىلى جاستاردى الەۋمەتتىك جوبالار مەن قايىرىمدىلىق باستامالارعا قاتىستىرۋ، ءبىلىم بەرۋ جانە كاسىپكەرلىك باستامالاردى قولداۋ مۇمكىندىكتەرى تۋرالى ايتىپ، ءوز تاجىريبەسىمەن ءبولىستى. 🔹 ايدار سەيدازىم ءوزىنىڭ اقىندىق جانە فيلولوگ رەتىندەگى تاجىريبەسىن جاستارمەن ءبولىسىپ، شىعارماشىلىق ىزدەنىستىڭ ءمانى، قازاق ادەبيەتىنە ۇلەس قوسۋ جانە جاستاردىڭ تىلدىك مادەنيەتكە قىزىعۋشىلىعىن ارتتىرۋ تۋرالى ءسوز قوزعادى. 🔹 باقداۋلەت جاندىلداەۆ ۆولونتەرلىك قىزمەتتىڭ ماڭىزى، كوشباسشىلىق قابىلەتتەردى دامىتۋ جولدارى جانە حالىقارالىق دەڭگەيدە ۆولونتەر بولۋدىڭ مۇمكىندىكتەرى تۋرالى اڭگىمەلەپ، جاستاردى قوعامدىق بەلسەندىلىككە شاقىرۋى ىقتيمال. سونىمەن قاتار، “قازاقستان جاستارى كونگرەسىنىڭ” جۇمىسى، جاستاردىڭ مەملەكەت دەڭگەيىندەگى ءرولى تۋرالى پىكىر الماستى. كەزدەسۋ ماقساتى - جاستارعا ءتالىم-تاربيە، رۋحاني باعىت-باعدار بەرۋ، كوشباسشىلىق قابىلەتتەرىن دامىتۋ، وسكەلەڭ ۇرپاقتى بەلسەندى جانە جاۋاپتى ازامات ەتىپ قالىپتاستىرۋ. سونىمەن قاتار، دۇنيەتانىمى، وزىندىك كوزقاراسى قالىپتاسقان سانالى ازامات ەتىپ تاربيەلەۋ، ءوز ەلىنىڭ دامۋىنا ۇلەس قوسۋ ارقىلى وتانىنا، تۋعان جەرىنە دەگەن سۇيىسپەنشىلىگىن ارتتىرۋ. 🔹كەزدەسۋ بارىسىندا سپيكەرلەر بىرقاتار كەلەسى ماسەلەلەردى قوزعاپ، جاستاردىڭ قىزىعۋشىلىعىن تۋدىراتىن وزەكتى تاقىرىپتاردا اڭگىمە ءوربىتتى. كەزدەسۋدەن كەيىن قاتىسۋشىلارمەن سۇراق-جاۋاپ الماسىپ، جاستار وزدەرىنىڭ كوكەيلەرىندە جۇرگەن ساۋالدارىن قويىپ، سپيكەرلەردەن ناقتى جاۋاپتار الدى. 🔹“BASTAU Talks” قوعامدىق لەكتسياسى – جاستار ءۇشىن ەرەكشە مۇمكىندىك. بۇل جوبا كوپتەگەن جەتىستىككە جەتكەن بىلىكتى تۇلعالاردىڭ ومىرلىك تاجىريبەسى مەن جەتىستىككە جەتۋ جولىن جاستارعا ۇلگى ەتك وتىرىپ، موتيۆاتسيا بەرىپ، دامىتۋ، تىڭ اقپارات الۋعا باعىتتالعان. جاستار ءۇشىن مۇنداي كەزدەسۋلەردىڭ ماڭىزى زور. سەبەبى ولار قوعامنىڭ بولاشاعىن قالىپتاستىراتىن جاڭا بۋىن.