بۇگىن تۇركىستان جوعارى مەديتسينا كوللەدجىنىڭ ۇيىمداستىرۋىمەن «كونگرەسس حولل» كوپسالالى كەشەنىندە تۇركىستان جوعارى مەديتسينا كوللەدجىنىڭ ءبىرىنشى كۋرس ستۋدەنتتەرىن ستۋدەنت قاتارىنا قابىلداۋ ءراسىمى وتكىزىلدى. جيىنعا كوللەدج ستۋدەنتتەرى مەن وقىتۋشىلارى جانە بەلسەندى ستۋدەنتتەردىڭ اتا-انالارى قاتىستى.
جاڭا وقۋ جىلى بارىسىندا وقۋعا تۇسكەن ستۋدەنتتەردى قۇتتىقتاۋ كەشىنە ارنايى قوناقتار شىقىرىلدى. تۇركىستان وبلىسى اكىمىنىڭ ورىنباسارى بەيسەنباي تاجىباەۆ، «اMANAT» پارتياسى تۇركىستان وبلىستىق فيليالى اتقارۋشى حاتشىسىنىڭ ورىنباسارى پولات تۇرسىنباەۆ، تۇركىستان وبلىستىق ءماسليحاتىنىڭ دەپۋتاتى عالىمجان ەلشىباي، تۇركىستان وبلىستىق ءبىلىم باسقارماسى باسشىسىنىڭ ورىنباسارى ايگۇل قاسىمبەكوۆا ستۋدەنت جاستارعا ءبىلىم جولىندا ساتتىلىك تىلەپ، بولاشاق ورتا بۋىندى مەديتسينا ماماندارىن دايارلاپ وتىرعان ءبىلىم ورداسىن 60 جىلدىق مەرەيتويىمەن قۇتتىقتادى.
سالتاناتتى شارادا تۇركىستان وبلىستىق ءماسليحاتىنىڭ قۇرمەت گراموتاسىمەن «ەمدەۋ ءىسى» ءبولىمىنىڭ مەڭگەرۋشىسى س.ابيتاەۆا، حيميا ءپانىنىڭ وقىتۋشىسى م.جايسانباەۆا ماراپاتتالسا، تۇركىستان وبلىسى اكىمىنىڭ ورىنباسارى ب.تاجىباەۆتىڭ العىس حاتىمەن №9 حيرۋرگيا جانە تۋىستاس پاندەر بويىنشا تساك ءتورايىمى گ.امانباەۆا، جالپى ءبىلىم بەرۋ ءبولىمىنىڭ مەڭگەرۋشىسى د.كۋسەمباەۆا ماراپاتتالدى. «اMANAT» پارتياسىنىڭ تۇركىستان وبلىستىق فيليالىنىڭ العىس حاتىمەن ا.نۋرسەيتوۆا، ر.التاي، گ.اميروۆا، ز.نۋرجيگيتوۆا، م.مۋحانوۆا جانە بەلسەندى ستۋدەنتتەر ب.دۇيسەنبەك، ءا.قارجاۋباەۆا، ا.ءجۇزبولات، س.ازيموۆ، و.داستانوۆ ماراپاتتالدى.
ەڭ الدىمەن كوللەدج جاستارى «رۋح» انىنە فلەشموب كورسەتتى. كوللەدج تابالدىرىعىن العاش اتتاپ وتىرعان ستۋدەنتتەر جاستار ءۇشىن «كونگرەسس حولل» كوپسالالى كەشەنىنىڭ ارتىستەرى كونتسەرتىك باعدارلاماسىن ۇسىندى. سوڭىندا تۇركىستان جوعارى مەديتسينا كوللەدجىنىڭ ءانۇرانى شىرقالدى.
تۇركىستان جوعارى مەديتسينا كوللەدجى – 1965 جىلى اشىلعان ىرگەلى وقۋ ورىندارىنىڭ ءبىرى. باسەكەگە قابىلەتتى، بىلىكتىلىگى جوعارى، كاسىبي داعدىلاردى مەڭگەرگەن ورتا بۋىندى مەديتسينا ماماندارىن دايىنداۋدى ماقسات ەتكەن وقۋ ورنى «فەلدشەر»، «اكۋشەر»، «جالپى پراكتيكاداعى مەيىرگەر»، «مەديتسينالىق لابورانت»، «فارماتسەۆت»، «دانتيست» بىلىكتىلىگى جانە مەيىرگەر ءىسىنىڭ «قولدانبالى باكالاۆر» بىلىكتىلىگى بويىنشا ماماندار دايارلايدى. كوكجيەگى كەڭ ءبىلىم ورداسىن مەديتسينا عىلىمدارىنىڭ كانديداتى، «قۇرمەت» وردەنىنىڭ يەگەرى عالىمجان بيمۋرزاەۆ باسقارادى. قازاقستانداعى الدىڭعى قاتارلى ورتا بۋىندى مەديتسينا ماماندارىن دايارلاپ وتىرعان 60 جىلدىق تاريحى بار وقۋ ورنى ءبىلىم بەرۋدىڭ حالىقارالىق يننوۆاتسيالىق تەحنولوگيالارىن كەڭىنەن يگەرىپ كەلەدى. 2024-2025 وقۋ جىلىنا 1-ءشى كۋرسقا 600-گە جۋىق ستۋدەنت قابىلداندى.
كوللەدج تولىققاندى ماتەريالدىق بازامەن قامتاماسىز ەتىلگەن، زاماناۋي مەديتسينالىق قۇرالدارمەن جابدىقتالعان. ستۋدەنتتەردىڭ كلينيكالىق ويلاۋ قابىلەتىن قالىپتاستىرۋ، كاسىبي قىزمەتىنە قۇزىرەتتىلىگىن ارتتىرۋ ماقساتىندا كوللەدجدە حيرۋرگيا، تەراپيا، اكۋشەريا جانە مەيىربيكە ءىسى بويىنشا سيمۋلياتسيالىق ورتالىقتار جۇمىس ىستەيدى.
سونىمەن قاتار كوللەدجدىڭ اناتوميالىق مۇراجايى، فيتوبار، ەلەكتروندى وقۋ زالى، وقۋ ءدارىحاناسى، زامانعا ساي ستوماتولوگيالىق كلينيكاسى، سپورت كەشەنى جانە 300 ورىندىق جاتاقحاناسى بار.
