تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ باستاماسىمەن “25 قازان - رەسپۋبليكا كۇنىنە” وراي “40 كۇن توي مەن وي” جوباسى اياسىندا تولەبي جانە سايرام اۋداندىق “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “اسقاقتاي بەر، تۋعان جەر!” اتتى مەرەكەلىك كونتسەرت ءوتتى.
ء📋ىس-شارانىڭ ماقساتى - ەلىمىزدەگى ۇلتتىق مەرەكە رەسپۋبليكا كۇنىن جوعارى دەڭگەيدە اتاپ ءوتۋ. جاستار اراسىندا اتالمىش مەرەكەنىڭ ءمانى مەن ماڭىزىن ۇعىندىرۋ، وتانعا، تۋعان جەرگە دەگەن جاستاردىڭ سۇيىسپەنشىلىگىن ارتتىرۋ، سونداي-اق وڭىرىمىزدەگى ونەرلى جاستاردىڭ شىعارماشىلىعىن قولداۋ.
🔹مەرەكەلىك كونتسەرتتىڭ باعدارلاماسىنا سايكەس ءوڭىردىڭ تالانتتى جاستارىنان قۇرالعان جاس ونەرپازدار ءوز ونەرلەرىن كوپشىلىك نازارىنا ۇسىندى. تولەبي جانە سايرام اۋدانىنان كەلگەن جاس انشىلەر حالقىمىزدىڭ ءداستۇرلى اندەرىن، پاتريوتتىق اندەرىن ورىنداسا، جاس جايدارمانشىلار كورەرمەندەرگە كوتەرىڭكى كوڭىل-كۇي سىيلادى.
🔹مەرەكەلىك كونتسەرتتى تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ باسشىسى ەرنار نۇرالىۇلى اشىپ، ءوڭىر جاستارىن رەسپۋبليكا كۇنىمەن قۇتتىقتاپ، جاستار تاربيەسىنە، مادەنيەتى مەن شىعارماشىلىق دامۋىنا قوسقان ۇلەستەرىن اتاپ ءوتتى جانە جاستار ساياساتىن دامىتۋ، ىلگەرىلەتۋ جولىنداعى جۇمىستارىنا تولاعاي تابىستار تىلەدى.
🔹سونداي-اق ماڭىزدى مەرەكە قارساڭىندا وبلىسىمىزدىڭ ءار وڭىرىندە ءتۇرلى سالادا قىزمەت اتقارىپ ۇزدىك اتانىپ جۇرگەن بەلسەندى جاستارى قر مادەنيەت جانە اقپارات ءمينيسترى ايدا بالاەۆانىڭ، قر اقپارات جانە قوعامدىق دامۋ ۆيتسە-ءمينيسترى ەۆگەني كوچەتوۆتىڭ، جاستار جانە وتباسى ىستەرى كوميتەتىنىڭ توراعاسى قايرات قامباروۆتىڭ، تۇركىستان وبلىسىنىڭ قوعامدىق دامۋ باسقارماسىنىڭ باسشىسى ەرلان كۇزەمباەۆتىڭ جانە تۇركىستان وبلىستىق “جاستار رەسۋرستىق ورتالىعى” كمم-ءنىڭ باسشىسى ەرنار بەكتاەۆتىڭ العىس حاتىمەن ماراپاتتالدى.
