Túrkistan oblysy qoǵamdyq damý basqarmasy “Jastar resýrstyq ortalyǵy” KMM-niń bastamasymen “25 qazan - Respýblıka kúnine” oraı “40 kún toı men oı” jobasy aıasynda Tólebı jáne Saıram aýdandyq “Jastar resýrstyq ortalyǵy” KMM-niń uıymdastyrýymen “Asqaqtaı ber, týǵan jer!” atty merekelik konert ótti.
📋Is-sharanyń maqsaty - elimizdegi ulttyq mereke respýblıka kúnin joǵary deńgeıde atap ótý. Jastar arasynda atalmysh merekeniń máni men mańyzyn uǵyndyrý, Otanǵa, týǵan jerge degen jastardyń súıispenshiligin arttyrý, sondaı-aq óńirimizdegi ónerli jastardyń shyǵarmashylyǵyn qoldaý.
🔹Merekelik konerttiń baǵdarlamasyna sáıkes óńirdiń talantty jastarynan quralǵan jas ónerpazdar óz ónerlerin kópshilik nazaryna usyndy. Tólebı jáne Saıram aýdanynan kelgen jas ánshiler halqymyzdyń dástúrli ánderin, patrıottyq ánderin oryndasa, jas jaıdarmanshylar kórermenderge kóterińki kóńil-kúı syılady.
🔹Merekelik konertti Túrkistan oblysy qoǵamdyq damý basqarmasy “Jastar resýrstyq ortalyǵy” KMM-niń basshysy Ernar Nuralyuly ashyp, óńir jastaryn Respýblıka kúnimen quttyqtap, jastar tárbıesine, mádenıeti men shyǵarmashylyq damýyna qosqan úlesterin atap ótti jáne jastar saıasatyn damytý, ilgeriletý jolyndaǵy jumystaryna tolaǵaı tabystar tiledi.
🔹Sondaı-aq mańyzdy mereke qarsańynda oblysymyzdyń ár óńirinde túrli salada qyzmet atqaryp úzdik atanyp júrgen belsendi jastary QR Mádenıet jáne aqparat mınıstri Aıda Balaevanyń, QR aqparat jáne qoǵamdyq damý vıe-mınıstri Evgenıı Kochetovtyń, Jastar jáne otbasy isteri komıtetiniń tóraǵasy Qaırat Qambarovtyń, Túrkistan oblysynyń qoǵamdyq damý basqarmasynyń basshysy Erlan Kúzembaevtyń jáne Túrkistan oblystyq “Jastar resýrstyq ortalyǵy” KMM-niń basshysy Ernar Bektaevtyń alǵys hatymen marapattaldy.
