25 قازان – رەسپۋبليكا كۇنى قارساڭىندا تۇركىستان وبلىستىق “جاستار رەسۋرستىق ورتالىعى” كمم-ءنىڭ ۇيىمداستىرۋىمەن جوو ستۋدەنتتەرى اراسىندا 26 - 27 قازان ارالىعىندا “پىكىرسايىس — كوشباسشىلار الاڭى” اتتى تۇركىستان وبلىسى اكىمىنىڭ كۋبوگىنە ارنالعان رەسپۋبليكالىق پىكىرسايىس ءتۋرنيرى ءوتتى.
پىكىرسايىس ءتۋرنيرىنىڭ ماقساتى: جاستاردىڭ وراتورلىق قابىلەتىن، ءسوز شەبەرلىگىن، بەلگىلى ءبىر فاكتىلەردى زەرتتەۋگە، ءوز كوزقاراسىن جۇيەلى تۇردە دالەلدەۋگە جانە باعىتىن دۇرىس ۇسىنۋعا ۇيرەتۋ، ەلىمىزدەگى ۇلتتىق مەرەكە رەسپۋبليكا كۇنىن جوعارى دەڭگەيدە اتاپ ءوتۋ. جاستار اراسىندا اتالمىش مەرەكەنىڭ ءمانى مەن ماڭىزىن ۇعىندىرۋ، وتانعا، تۋعان جەرگە دەگەن جاستاردىڭ سۇيىسپەنشىلىگىن ارتتىرۋ.
🔹رەسپۋبليكالىق پىكىرسايىس ءتۋرنيرىن تۇركىستان وبلىستىق “جاستار رەسۋرستىق ورتالىعى” كمم-ءنىڭ باسشى ورىنباسارى ەسكۋلوۆ پەردەبەك سەرجانۇلى اشىپ، تۋرنيرگە كەلگەن جاستاردى ەلىمىزدەگى ۇلكەن مانگە يە ۇلتتىق مەرەكە - رەسپۋبليكا كۇنىمەن قۇتتىقتاپ، سايىسقا قاتىسۋشى پىكىرسايىسشىلارعا (فراكتسيالارعا) ساتتىلىك تىلەدى.
تۋرنير ناتيجەسى تومەندەگىدەي:
باس جۇلدە - “كەنەسارى”. فراكتسياسى
ابىلقان مەيىربەك، سماعۇل ارايلىم (تۇركىستان وبلىسى) 400.000 تەڭگە
1 ورىن – “ايشۋاق حان” فراكتسياسى. ابديناسيرۇلى بەكسۇلتان، مۇراتۇلى اسىلجان (الماتى وبلىسى) 300.000 تەڭگە
2 ورىن – “جاڭگىر حان” فراكتسياسى. ابدۋللا جانبولات، قالديباەۆ راۋان (شىمكەنت قالاسى) 200.000 تەڭگە
3 ورىن – “ەسىم حان” فراكتسياسى. ەرالى شۇعىلا، ابديحان اقبوتا (شىمكەنت قالاسى) 100.000 تەڭگە
“ەڭ ۇزدىك تورەشى” - قانجىگىت ساعي
“ۇزدىك تورەشى”- تورەقانوۆ جايداربەك
“ەڭ ۇزدىك سپيكەر” - سماعۇل ارايلىم (50.000 تەڭگە)
“ۇزدىك سپيكەر” - ابدۋراشيدوۆا مەحرينيسو
رەسپۋبليكامىزدىڭ ءار وڭىرىنەن جينالعان بەلسەندى جاستاردىڭ باسى قوسىلعان، جوعارى دەڭگەيدە وتكىزىلگەن رەسپۋبليكالىق تۋرنير جەڭىمپازدارىنا العىس حاتتار، قارجىلاي سىيلىقتار مەن كۋبوك تابىستالدى.
تۇركىستان وڭىرىندە ەكىنشى جىل قاتارىنان وتكىزىلىپ وتىرعان تۋرنيرگە رەسپۋبليكامىزدىڭ ءار وڭىرىنەن كەلگەن پىكىرسايىسشىلار باق سىنادى. بارلىق پىكىرسايىسشىلار ءبىرىنشى كۇنى ىرىكتەۋ كەزەڭدەرىنە بەرىلگەن تاقىرىپتاردى تالقىلاپ، ءتۋرنيردىڭ ەكىنشى كۇنى فينالدىق كەزەڭگە جولداما الۋ ءۇشىن ءوزارا مىقتىنى انىقتادى. ەكى كۇنگە سوزىلعان اپف جانە LD فورماتتارىندا وتكەن تۋرنيرگە الماتى، تۇركىستان وبلىستارى مەن شىمكەنت قالاسىنىڭ پىكىرسايىسشىلارى، جالپى 28 فراكتسيا قاتىستى.
رەسپۋبليكالىق تۋرنيرگە قاتىسقان پىكىرسايىسشىلار ءبىرىنشى كۇنى ىرىكتەۋ كەزەڭدەرىنە بەرىلگەن تاقىرىپتار توڭىرەگىندە ءوز يدەيالارىن قورعاپ، 1/8, 1/4, 1/2 جانە فينالدىق كەزەڭگە جولداما الۋ ءۇشىن ءوزارا مىقتىنى انىقتادى. ىرىكتەۋ كەزەڭىنەن ءوتىپ، فينالدىق كەزەڭگە جولداما العان فراكتسيالار وزدەرىنىڭ ۇتىمدى ويلارىمەن ەرەكشە اسەر سىيلادى.
