قر يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىندە كولىك سالاسىندا سىبايلاس جەمقورلىققا قارسى كۇرەستىڭ جاڭا ادىستەرىن قولدانۋعا، كوميتەت قىزمەتىنىڭ تيىمدىلىگىن ارتتىرۋعا باعىتتالعان جوبالاردى ىسكە اسىراتىن جوبالىق كەڭسە اشىلدى.
اتاپ ايتقاندا، كولىكتىك باقىلاۋ قىزمەتكەرىنىڭ قاتىسۋىنسىز اۆتوموبيلدەردىڭ سالماقتىق جانە گاباريتتىك پارامەترلەرىن اۆتوماتتى تۇردە انىقتايتىن اۆتوماتتاندىرىلعان ولشەۋ ستانتسيالارىن پايدالانۋعا بەرۋ بويىنشا جۇمىستار جۇرگىزىلۋدە. تاسىمالداۋشىلاردىڭ اۆتوماتتاندىرىلعان ولشەۋ ستانتسيالارىندا اكق سالماقتىق جانە گاباريتتىك پارامەترلەرىن ارنايى اۆتوماتتاندىرىلعان ولشەۋ قۇرالىنىڭ سالماقتىق جانە گاباريتتىك پارامەترلەرىنەن اسىرا ءجۇرىپ وتكەندىگى انىقتالعان جاعدايدا قايتا انىقتاۋعا مۇمكىندىگى بار. بۇل رەتتە، تاسىمالداۋشىلاردى جولدا توقتاتپاي جۇك تاسىمالداۋ مەرزىمىن قىسقارتۋعا جانە سىبايلاس جەمقورلىق تاۋەكەلدەرىنىڭ الدىن الۋعا بولادى.
بۇدان باسقا، كوميتەت قىزمەتىنىڭ تيىمدىلىگىن ارتتىرۋ ءۇشىن فۋنكتسيونالدىق تالداۋ جۇرگىزۋ جانە بيزنەس-ۇدەرىستەردى وڭتايلاندىرۋ جولىمەن ISO 9001 ستاندارتىنا قول جەتكىزۋ جوباسى ازىرلەندى.
قازىرگى ۋاقىتتا فۋنكتسيونالدىق تالداۋ جۇرگىزۋ ناتيجەسىندە مينيسترلىكتىڭ، كوميتەتتىڭ جانە قۇرىلىمدىق باسقارمالاردىڭ ەرەجەلەرىنە ءتيىستى وزگەرىستەر ەنگىزىلۋدە.
سونىمەن قاتار، ءاربىر ماماننىڭ لاۋازىمدىق نۇسقاۋلىقتارىندا جۇكتەلگەن مىندەتتەر ناقتى كورسەتىلەدى.
سونىمەن قاتار، كوميتەتتە دەرەكتەردىڭ ۇلكەن كولەمىن ساناۋلى مەرزىمدە وڭدەۋگە مۇمكىندىك بەرەتىن BI-جۇيەلەردى ەنگىزۋ جونىندەگى جوبا ىسكە اسىرىلۋدا.
"ادىرنا" ۇلتتىق پورتالى
