مەملەكەت باسشىسى قاسىم-جومارت توقاەۆتىڭ تاپسىرماسى بويىنشا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ شەڭبەرىندە قايتارىلعان قاراجات ەسەبىنەن شامامەن 8 ملرد تەڭگە الەۋمەتتىك نىساندارعا باعىتتالدى، دەپ حابارلايدى «ادىرنا» ءتىلشىسى.
ۇكىمەت اقتوبە قالاسىندا ەرەكشە بالالارعا ارنالعان ارنايى بالاباقشا سالۋعا 7,8 ملرد تەڭگە ءبولۋ تۋرالى شەشىم قابىلدادى. بالاباقشانىڭ اشىلۋى 300 ەرەكشە بالانى تاربيەمەن جانە تۇزەتۋ كومەگىمەن قامتاماسىز ەتەدى.
قازىر وبلىستا ەرەكشە ءبىلىم بەرۋدى قاجەت ەتەتىن 3 جاستان 6 جاسقا دەيىنگى 2523-تەن استام بالا بار، ولاردىڭ 1320-ى مەكتەپكە دەيىنگى بىلىممەن قامتىلعان. وڭىردە 4 ارنايى تۇزەتۋ بالاباقشاسى جۇمىس ىستەيدى.
