قىتايدىڭ شىعىسىندا ورنالاسقان تسزيانسۋ پروۆينتسياسىنداعى كوللەدجدە ستۋدەنت پىشاقپەن شابۋىل جاسادى. ناتيجەسىندە 17 ادام جاراقاتتانىپ، 8 ادام قازا تاپتى، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
يسين قالاسىنىڭ پوليتسياسى حابارلاعانداي، شابۋىلداۋشى 21 جاستاعى ستۋدەنت بولعان، ول بيىل وقۋ ورنىن ءبىتىرىپ شىعۋى كەرەك ەدى، بىراق ەمتيحاندارىن تاپسىرا الماعان. پوليتسيا ونى قىلمىس ورنىندا ۇستاپ، بۇل ارەكەتىن كەك الۋ ماقساتىندا جاساعانىن ايتتى.
قىتايدا قوعامدىق ورىنداردا شابۋىلداردىڭ سانى ارتىپ كەلەدى قىركۇيەك ايىندا شانحاي ماڭىنداعى سۋپەرماركەتكە پىشاقپەن شابۋىل جاساعان قىلمىسكەر 3 ادامدى ءولتىرىپ، 15 ادامدى جاراقاتتاعان.
قازان ايىندا پەكين قالاسىنداعى باستاۋىش مەكتەپ ماڭىندا 50 جاستاعى ەر ادام 5 ادامدى پىشاقتاعان، ونىڭ ۇشەۋى بالا.
ال 11 قاراشادا گۋاندۋن پروۆينتسياسىنداعى چجۋحاي قالاسىندا 62 جاستاعى ەر ادام سپورت ورتالىعىنىڭ اۋماعىندا ادامداردى قاققان. وسى وقيعادان 35 ادام قازا تاۋىپ، 43 ادام جاراقات العان.
