قىزىلوردا وبلىسى بويىنشا «اق جول» دەمپارتياسىنىڭ ەسەپ بەرۋ-سايلاۋ كونفەرەنتسياسى بولىپ، وعان اۋدانداردان كەلگەن دەلەگاتتار مەن بارلىق دەڭگەيدەگى دەپۋتاتتار قاتىستى.
كونفەرەنتسيانىڭ شەشىمىمەن وسى ۋاقىتقا دەيىن وبلىستىق فيليالدىڭ توراعاسى قىزمەتىن اتقارۋشى بوپ كەلگەن باۋىرجان ساندىباەۆ فيليالدىڭ تولىققاندى توراعاسى بولىپ سايلاندى.
باۋىرجان تۇرسىمبايۇلى – بەلگىلى كاسىپكەر، دەپۋتات، قىزىلوردا وبلىستىق ءماسليحاتىنىڭ ءوندىرىس پەن كاسىپكەرلىكتى دامىتۋ جونىندەگى تۇراقتى كوميسسياسىنىڭ توراعاسى.
سونداي-اق كوپشىلىك داۋىسپەن 15 ادامنان تۇراتىن فيليالدىڭ جاڭا كەڭەسىنىڭ قۇرامى سايلاندى.
فيليالدىڭ جاڭا باسشىلىعىنا تابىس تىلەپ، 2018 جىلدان بەرى فيليالدى باسقارىپ، كاسىپكەرلىكتەگى قاربالاس جۇمىسىنا بايلانىستى ءوز ەركىمەن ءوتىنىش بىلدىرگەن بۇرىنعى توراعا جورابەك پرمانوۆقا العىس ءبىلدىرىلدى.
سونىمەن قاتار، كونفەرەنتسيا دەلەگاتتارى «اق جول» دەمپارتياسىنىڭ اعىمداعى جۇمىسىن، پارلامەنتتەگى ۇستانىمىن، پرەزيدەنت قاسىم-جومارت توقاەۆتىڭ بارلىق دەڭگەيدەگى دەپۋتاتتاردى ءماجىلىستىڭ زاڭ شىعارۋ قىزمەتىنە تارتۋ جونىندەگى باستامالارىنا پارتيانىڭ قاتىسۋى جانە ت.ب. ماسەلەلەردى تالقىلادى.
جاڭاقورعان اۋدانىنىڭ ءبىر توپ كاسىپكەرلەرى «اق جول» دەموكراتيالىق پارتياسىنا يرريگاتسيالىق قۇرىلىستاردى سالۋعا كومەكتەسىپ، سونىڭ ارقاسىندا شارۋاشىلىقتار سۋارمالى سۋعا قول جەتكىزگەنى ءۇشىن العىس حات تابىس ەتتى.
جيىن سوڭىندا قايتا قابىلدانعان بىرنەشە اقجولدىقتارعا پارتيا بيلەتتەرى تابىستالدى.
