الماتى وبلىسىندا 18 جاستاعى جۇرگىزۋشى ءتورت بىردەي جاياۋ جۇرگىنشىنى قاعىپ كەتتى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى.
جول اپاتى ەسىكتە 14 قاراشا كۇنى بولعان. سالدارىنان 16 جاستاعى بويجەتكەن قازا تاپتى.
ال جاس جۇرگىزۋشى جول اپاتى بولعان جەردەن قاشىپ كەتكەن.
"جول اپاتى سالدارىنان 16 جاستاعى قىز اۋداندىق اۋرۋحاناعا جەتكىزىلدى. ول 15 قاراشا كۇنى تاڭەرتەڭ العان جاراقاتتارىنان قايتىس بولدى. پوليتسيا جول اپاتىنا قاتىستى قىلمىستىق ءىس قوزعادى", - دەپ حابارلايدى الماتى وبلىستىق پوليتسيا دەپارتامەنتىنىڭ قىزمەتى.
جەدەل ىزدەستىرۋ شارالارىنىڭ ناتيجەسىندە 18 جاستاعى جەرگىلىكتى تۇرعىن ۇستالىپ، ۋاقىتشا ۇستاۋ يزولياتورىنا قامالدى.
