قارجى جىمقىردى دەپ ۇستالعان قايىرىمدىلىق قورىنىڭ باسشىسى پەريزات قايرات قاتىستى قازاقستاننىڭ پارا ۇستەل تەننيسى فەدەراتسياسى مالىمدەمە جاسادى. جاقىندا ونى وسى ۇيىمنىڭ باسشىسى قىزمەتىنە تاعايىنداعان بولاتىن، دەپ حابارلايدى “ادىرنا” ۇلتتىق پورتالى.
فەدەراتسيا ءوزىنىڭ الەۋمەتتىك جەلىدەگى پاراقشاسىندا جاڭا باسشىنىڭ قىزمەتىنەن بوساتىلعانىن مالىمدەدى.
"قازاقستاننىڭ پارا ۇستەل تەننيسى فەدەراتسياسى پەريزات قايراتتىڭ ۇستالۋىنا جانە وعان قاتىستى تەرگەۋدىڭ باستالۋىنا بايلانىستى ۇيىم پرەزيدەنتى قىزمەتىنەن بوساتىلدى. 2024 جىلى 14 قاراشادا فەدەراتسيانىڭ كەزەكتەن تىس جينالىسىندا وسىنداي شەشىم قابىلداندى", - دەلىنگەن رەسمي حابارلامادا.
فەدەراتسيا ماماندارى پەريزات قايرات كەلگەلى بەرى ونىڭ باسشىلىعىمەن ەشقانداي رەسمي وتىرىس، ءتىپتى، بۇيرىق تا شىعارىلماعانىن ەرەكشە اتاپ ءوتتى. ول وسى قىزمەتكە ءبىر اي بۇرىن تاعايىندالدى.
ايتا كەتەيىك، 14 قاراشادا قارجىلىق مونيتورينگ اگەنتتىگى "Biz Birgemiz" قايىرىمدىلىق قورىنىڭ باسشىسى پەريزات قايراتتىڭ ۇستالعانىن حابارلادى. ول كوكتەمگى سۋ تاسقىنىنان زارداپ شەككەن ازاماتتارعا كومەكتەسۋ ءۇشىن جينالعان 1,5 ملرد تەڭگەدەن استام قاراجاتتى جىمقىرعانى ءۇشىن ايىپتالىپ وتىر.
سونىمەن قاتار، ول جەتەكشىلىك ەتەتىن “Biz ۆirgemiz” قورىنىڭ قۇرىلتايشىلارى تۋرالى حابارلادىق.
