قازاقستاندىقتار بالالاردى زورلىق-زومبىلىقتان قورعاۋدى تالاپ ەتىپ، پەتيتسيا جاريالادى

2269
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

قازاقستاندىقتار بالالاردى زورلىق-زومبىلىقتان، پەدوفيليادان، قۋدالاۋ مەن قورلاۋدان جانە اگرەسسيانىڭ باسقا دا تۇرلەرىنەن قورعاۋدى تالاپ ەتءىپ، پەتيتسيا جاريالادى. بۇل پەتيتسيانى #NeMolchiKZ قوزعالىسىنىڭ ۆولونتەرلەرى قازاقستان انالارىنىڭ ۇندەۋىنەن كەيىن، NەMolchiKZ قورىنىڭ سوڭعى 6 جىلىندا زورلىق-زومبىلىققا ۇشىراعان بالالاردىڭ اتا-انالارى مەن تۋىستارىنان الىنعان ارىزدار نەگىزىندە قۇراستىرعان، دەپ حابارلايدى «ادىرنا» ۇلتتىق پورتالى.

«قۇقىق قورعاۋ ورگاندارىمەن، سوتتارمەن، زورلىق-زومبىلىقتان زارداپ شەككەن بالالارمەن جانە ولاردىڭ جاقىندارىمەن جۇمىس تاجىريبەسىنە نەگىزدەلگەن! پرەزيدەنتىمىزدى، قازاقستان ۇكىمەتىن، پارلامەنتتى بالا جىلىندا جاڭا وقۋ جىلى باستالماي تۇرىپ، قازاقستاندىق انالاردىڭ تالاپتارىن ءجىتى نازاردا ۇستاۋعا شاقىرامىز!  

بالالارىمىزعا قاۋىپسىزدىك كەرەك، جازادان قاشىپ قۇتىلا المايتىندارىنا كامىل سەنىمدى بولۋىمىز كەرەك، بالالار ءۇشىن مەملەكەتتەن قورعاۋ ءتيىمدى جانە ۋاقىتىندا بولۋى قاجەت!»، دەپ جازىلعان پەتيتسيادا.

سونداي-اق، #NeMolchiKZ قوزعالىسى پەتيتسيا ارقىلى تومەندەگى تالاپتاردىڭ ورىندالۋىن سۇرايدى:

  1.    بىز بالالارىمىزدى قورعاۋدى قامتاماسىز ەتەتىن زاڭنىڭ قابىلدانۋىن تالاپ ەتەمىز، كامەلەتكە تولماعان بالانى جىنىستىق سيپاتتاعى كەز كەلگەن زورلاۋ، زورلاۋ دەپ تانىلۋى كەرەك، ءبىز كامەلەتكە تولماعانداردى بالالار دەپ ساناۋدى قولدايمىز. قىلمىستىق كودەكستەن «16 جاسقا تولعان ەسى دۇرىس ادام قىلمىستىڭ سۋبەكتىسى بولىپ تابىلادى» دەگەن ۇعىم الىنىپ تاستالسىن. ءبىز بالالارمەن كەز كەلگەن جىنىستىق سيپاتتاعى بولعان قىلمىستى قاتاڭ جازالاپ، باس بوستاندىقتارىنان ايىرۋدى، ءتىپتى ءومىر بويىنا باس بوستاندىعىنان ايىرۋدى تالاپ ەتەمىز!
  2.    قازاقستان رەسپۋبليكاسىنىڭ باس پروكۋراتۋراسىنىڭ https://qamqor.gov.kz/gis «كامەلەتكە تولماعانداردىڭ جىنىستىق قول سۇعىلماۋشىلىققا قارسى قىلمىس جاساعاندار كارتاسى» قولدانىستاعى ينتەرنەت-رەسۋرسىن ۇنەمى جاڭارتا وتىرىپ، وندا اتى-ءجونى مەن فوتوسۋرەتتەرىنىڭ كورسەتىلگەنىن، بۇرىن قازاقستان رەسپۋبليكاسى قىلمىستىق كودەكسىنىڭ 120, 121, 122, 123 124 باپتارى بويىنشا قىلمىستىق ءىس قوزعالعان، قازىر پروباتسيالىق باقىلاۋدا تۇرعان بارلىق پەدوفيلدەردىڭ گەولوكاتسياسىن كورسەتە وتىرىپ، تۇراقتى تۇردە جاريالانىپ وتىرۋىن، سونداي-اق قازىرگى كەزدەگى پەدوفيلدەر قازاقستان رەسپۋبليكاسى قىلمىستىق كودەكسىنىڭ 120, 121, 122, 123 124 باپتارى بويىنشا ەسكى جانە جاڭا زاڭدار بويىنشا باس بوستاندىعىنان ايىرىلىپ جازاسىن وتەپ جاتقاندار جانە بوساپ شىققاندار تۋرالى، ولاردىڭ تۇرعان جەرى تۋرالى ءبىلىم بەرۋ ۇيىمدارىنىڭ اتا-انالار كوميتەتتەرى ارقىلى اقپارات تاراتىلىپ وتىرۋىن تالاپ ەتەمىز.
  3.    بالانىڭ جىنىستىق قول سۇعىلماۋىنا قول سۇققان بارلىق كۇدىكتىلەردى دەرەۋ باقىلاۋعا الۋدى، نەمەسە جاعداي انىقتالعانشا ەكى ايعا قاماۋعا الۋدى تالاپ ەتەمىز، ويتكەنى بۇل قىلمىستار قوعام ءۇشىن قاۋىپتى جانە باسقا بالالار زارداپ شەگۋ قاۋپى جوعارى!
  4.    وسى قىلمىستاردى حالىقتىڭ ەرەكشە باقىلاۋىندا ۇستاۋدى، قىلمىستى جاسىرۋ جانە سىبايلاس جەمقورلىق فاكتىلەرىن بولدىرماۋ ءۇشىن وڭىرلەردەگى اتا-انالار كوميتەتىنىڭ بەلسەندىلەرىنەن قوعامدىق باقىلاۋ جاساۋدى تالاپ ەتەمىز!
  5.    كامەلەتكە تولماعانداردىڭ جىنىستىق قول سۇعىلماۋىنا قارسى قىلمىستاردى جاسىرعانى، ادىلەتسىز تەرگەپ-تەكسەرۋ، ساراپتامالار، دالەلدەمەلەردى جيناۋ، كامەلەتكە تولماعانداردىڭ كۋاگەرلەرىنەن قۇقىق قورعاۋ ورگاندارىنا، سوت-مەديتسينالىق ساراپشىلارعا، ءبىلىم بەرۋ قىزمەتكەرلەرىنە جاۋاپ الۋ ءۇشىن جازانى كۇشەيتۋدى تالاپ ەتەمىز!
  6.    تەرگەۋشىلەر، كۇدىكتىنىڭ ادۆوكاتتارى، سوت ساراپشىلارى زورلىق-زومبىلىقتان جابىرلەنۋشىگە قىسىم كورسەتپەۋ، قۇقىق قورعاۋ ورگاندارىنىڭ بالانىڭ ار-نامىسى مەن قادىر-قاسيەتىن قورلايتىن دۇرىس ەمەس سۇراقتار قويماۋى ءۇشىن، كامەلەتكە تولماعانداردان جاۋاپ الۋدىڭ ەتيكالىق نورمالارىن ازىرلەۋدى جانە بەكىتۋدى تالاپ ەتەمىز.
  7.    بىز، قۇقىق قورعاۋ جۇيەسىنىڭ بارلىق ينستانتسيالارىندا، سوتتاردا، مەكتەپتەردە، دارىگەرلەر مەن پسيحولوگتاردا «بالا زورلىق-زومبىلىق كورگەن جاعدايدا نە ىستەۋ كەرەك؟» دەگەن نۇسقاۋلىقتىڭ بولۋىن تالاپ ەتەمىز! بۇل نۇسقاۋلىقتا بالا مەن اتا-انانىڭ قۇقىقتارىن، بالاعا قانداي تەرگەۋ شارالارىن، قانداي مەرزىمدە جۇرگىزۋ كەرەكتىگىن تارماق-تارماقپەن سيپاتتاۋ قاجەتتىلىكتەرىنىڭ بولۋىن تالاپ ەتەمىز!
  8.   كامەلەتكە تولماعاندارعا قارسى جاسالعان بارلىق قىلمىستار بويىنشا جاۋاپ الىنۋ، ارنايى بالالار بولمەلەرىندە جۇرگىزىلۋىن، جاۋاپ الۋ كەزىندە بالالاردىڭ زورلاۋشىمەن كەزدەسپەۋىن، ونىمەن ءبىر بولمەدە قالماۋىن، بالاعا بارلىق سۇراقتاردى بالالار تەرگەۋشى پسيحولوگى قويۋدى، جاراقات العان بالانى قورقىتپاۋ ءۇشىن پوليتسەيلەردىڭ ازاماتتىق كيىمدە بولۋىن تالاپ ەتەمىز. جاۋاپ الۋدىڭ بارلىق قاتىسۋشىلارى، ادۆوكاتتار جانە ت.ب.، ارنايى شىنى قابىرعانىڭ ار جاعىنداعى بالاعا كورىنبەيتىن جەردە بولىپ، سۇراقتارىن بالالار تەرگەۋشى پسيحولوگىنا دايىنداپ بەرىپ، جاۋابىن سول پسيحولوگ ارقىلى الۋدى تالاپ ەتەمىز!
  9.    مەكتەپتەر، بالاباقشالار جانە باسقا دا وقۋ ورىندارىنىڭ ديرەكتورلارى، ەگەر كامەلەتكە تولماعانداردىڭ جەكە باسىنا قارسى قىلمىس ولاردىڭ مەكەمەسىندە نەمەسە ولاردىڭ تاربيەلەنۋشىلەرىنە قاتىستى جاسالسا، ولارعا قاتىستى بىرىڭعاي ءىس-قيمىل حاتتاماسىن جاساۋدى تالاپ ەتەمىز. ولار ازىرلەنگەن جانە بەكىتىلگەن حاتتاماعا سايكەس قاتاڭ تۇردە ارەكەت ەتۋ كەرەك، حاتتامادان اۋىتقىعان جاعدايدا جاۋاپتى تۇلعالاردى قىلمىستىق جاۋاپكەرشىلىككە تارتۋ كەرەك! بالالاردى قورلاۋ، زورلىق-زومبىلىق، زورلاۋ فاكتىلەرىن كوبىنە مەكتەپ ديرەكتورلارى جاسىرادى!
  10. بالالار مەن اتا-انالارعا ارنالعان اقپاراتتىق ونىمدەردى، قولجەتىمدى ۆەب-سايتتاردى قۇرۋدى، ولاردى قىلمىستان قورعاۋ ماقساتىندا اتا-انالار چاتىندا ولار تۋرالى اقپاراتتى تاراتۋدى جانە اتا-انالارعا، مۇعالىمدەرگە، جوعارى سىنىپ وقۋشىلارى ءۇشىن زاڭ نورمالارىن ءتۇسىندىرۋدى تالاپ ەتەمىز!
  11. بالالارى جەكە باسىنا قارسى، باسقا بالالاردىڭ جىنىستىق قول سۇعىلماۋشىلىعىنا قارسى قىلمىس جاساعان اتا-انالاردى جاۋاپقا تارتۋدى، ال كامەلەتكە تولماعان قۇقىق بۇزۋشىلاردىڭ وزدەرىن اگرەسسيادان ەمدەلۋ ءۇشىن، ارنايى ينتەرناتتارعا جىبەرۋدى تالاپ ەتەمىز!
  12. ايىپتالۋشىنىڭ مۇددەسىن قورعايتىن ادۆوكات پەن جابىرلەنۋشىنىڭ مۇددەسىن قورعايتىن ادۆوكاتتىڭ تەڭ قۇقىقتارىن قامتاماسىز ەتۋدى تالاپ ەتەمىز. مەملەكەتتەن قورعاۋعا تاعايىندالعان ادۆوكاتتار جابىرلەنۋشىنى اقشا الىپ، تاتۋلاسۋعا ماجبۇرلەيتىن بولسا، ءوز جۇمىسىن ادال اتقارماسا، بۇنداي ادۆوكاتتاردىڭ كوپشىلىگى جۇمىس جاسامايدى، جابىرلەنۋشىلەر ءوز قايعىسىمەن بەتپە بەت جالعىز قالىپ، تەرگەۋدە جانە سوتتا ولارعا قىسىم كورسەتىلەدى، ال ادۆوكاتتاردان ەش كومەك جوق، مۇنداي ادۆوكاتتاردى دا جاۋاپقا تارتۋدى تالاپ ەتەمىز!
  13. جابىرلەنۋشىنىڭ وتباسى تۋرالى جالعان اقپارات تاراتاتىن، زاڭسىز اقپارات جيناۋمەن اينالىساتىن، الەۋمەتتىك جەلىلەردە كيبەرقورقىتۋدى ۇيىمداستىرعان، بالانىڭ وتباسىنا قاۋىپ توندىرەتىن، جابىرلەنۋشىنىڭ زورلاۋشىمەن نەكەگە تۇرۋىن تالاپ ەتەتىن جانە باسقا دا زاڭسىز ارەكەتتەردى جاساعان ادامداردى جاۋاپكەرشىلىككە تارتۋدى تالاپ ەتەمىز!
  14. كامەلەتكە تولماعان بالانىڭ جىنىستىق قول سۇعىلماۋشىلىققا قارسى قىلمىستاردىڭ دالەلدەمەلەرىن بۇرمالاۋعا قاتىسقانداردىڭ بارلىعىن قاتاڭ جازالاۋدى، ولاردى پەدوفيلدەرگە تەڭەستىرىپ، پەدوفيل رەتىندە سوتتاۋدى تالاپ ەتەمىز!
  15. تۇرمىستىق زورلىق-زومبىلىقتىڭ كۋاگەرى بولعان بالالاردى جابىرلەنۋشى دەپ تانۋدى تالاپ ەتەمىز. تۇرمىستىق زورلىق-زومبىلىق جاساعانداردى قاتاڭ جازالاڭىز، بالالاردى ۇرىپ-سوققانى ءۇشىن جاۋاپقا تارتىڭىز، بالالاردى زورلاۋدىڭ 80%-ىن جاقىن ورتاداعى جانە وتباسىنداعى ادامدار جاسايدى، كوپ جاعدايدا بۇل ۇيدەگى ۇرىس-كەرىستىڭ اسەرىنەن بولادى.
  16. زورلاۋدان امان قالعان بالالاردى ايەلدەرگە تەكسەرۋدى، بالالاردى ساراپشىدان قورىقپاۋ ءۇشىن مامانداندىرىلعان ەمحانادا، بالالار كابينەتىندە تەكسەرۋدى تالاپ ەتەمىز.سونداي-اق، ءبىز پروكتولوگتىڭ تەكسەرۋىنەن وتۋىنە جاعداي جاسالۋىن، دارىگەرلەردىڭ العاشقى كۇننەن زاڭدى تۇردە قىلمىستىق پروتسەسكە قاتىسۋشى بولۋىن، اتا-انانىڭ بالانى تەكسەرۋ ءۇشىن دارىگەرلەردى ىزدەپ، جالىنباۋىن تالاپ ەتەمىز.
  17. كامەلەتكە تولماعانداردىڭ جىنىستىق قول سۇعىلماۋشىلىققا قارسى قىلمىس جاساعان قىلمىسكەرلەردىڭ جازاسىن جەڭىلدەتەتىن ءمان-جايلاردى الىپ تاستاۋدى، وتباسى مۇشەلەرىنىڭ ءوتىنىشى بويىنشا ولاردى اتا-انا قۇقىعىنان دەرەۋ ايىرۋدى تالاپ ەتەمىز! ءبىزدىڭ سوتتار پەدوفيلدىڭ ءوزى زورلاپ، ازاپتاعان نەمەسە اناسىن ولتىرگەن كامەلەتكە تولماعان بالالارىنىڭ بولۋىن، جەڭىلدەتەتىن ءمان-جاي رەتىندە تانۋعا دەيىن باردى!
  18. تەرگەۋ جانە سوت ىستەرىندە بالالاردى، زورلىق-زومبىلىقتان زارداپ شەككەن بالالارمەن جۇمىس ىستەۋ تاجىريبەسى بار، ارنايى وقىتىلعان، تەرگەۋ پسيحولوگتارىنىڭ سۇيەمەلدەۋىمەن ءوتۋىن تالاپ ەتەمىز.
  19. پەدوفيلدەرگە جازانى كۇشەيتۋدى، ءومىر بويىنا اۋىر جۇمىسقا جىبەرىپ، ونىڭ جالاقىسىنىڭ ءبىر بولىگىن پەدوفيلدەن زارداپ شەككەن بالاعا  ءومىر بويىنا زەينەتاقى رەتىندە تولەۋدى، ءبىر بولىگىن پەدوفيلدىڭ بالالارىنا اليمەنت ءوندىرۋ ءۇشىن جانە ونى تۇرمەدە  اسىراپ باعۋ ءۇشىن جۇمسالۋىن تالاپ ەتەمىز! حالىق سالىقتىڭ ەسەبىنەن  قىلمىسكەرلەردى اسىراۋعا مىندەتتى ەمەس!
  20. زارداپ شەككەن بالانىڭ وتباسىنا ول جابىرلەنۋشى دەپ تانىلعان ساتتەن باستاپ سوت ۇكىمى زاڭدى كۇشىنە ەنگەنگە دەيىن الەۋمەتتىك جاردەماقى تاعايىندالۋىن تالاپ ەتەمىز!

"ادىرنا" ۇلتتىق پورتالى

پىكىرلەر