تۇركيانىڭ يزمير ايماعىنداعى ءبىر ءۇيدىڭ بالالارى ورتتەن قازا تاپتى، دەپ حابارلايدى "ادىرنا" ۇلتتىق پورتالى.
قايعىلى وقيعا سەلچۋك اۋدانىندا بولعان. جەرگىلىكتى باق مالىمەتىنشە، ۇيدەگى ەلەكتر پەشىنەن اقاۋ شىققان. سالدارىنان ءورت لاۋلاپ، ۇيدە قاراۋسىز قالعان ءبىر جاستان بەس جاسقا دەيىنگى بالالار تۇتىنگە تۇنشىعىپ، كوز جۇمعان.
5 بالانىڭ اناسى 27 ايەل ادام. ول ەسكى زاتتاردى ساتۋ ءۇشىن بازارعا كەتكەنىن ايتقان. ال بالالاردىڭ اكەسى بىرنەشە جىل بۇرىن ۇرلىق جاساعانى ءۇشىن سوتتالىپ كەتكەن. ورتتەن قازا تاپقان بالالاردىڭ اناسى قاماۋعا الىندى.
«اكەلەرى دە، تۋىسقاندارى ءاردايىم كومەكتەسىپ وتىراتىنبىز. جاعدايلارى جامان ەمەس ەدى. 15 كۇن بۇرىن مەنىڭ ءىنىم بارىپ بالالاردىڭ ەرەسەكتەرىن ينتەرناتقا وتكىز، كىشكەنتايلارىن مەن الايىن دەپتى. بىراق اناسى ءوزىم قارايمىن دەپ رۇقسات بەرمەپتى»، - دەيدى بالالاردىڭ ناعاشى اعاسى.
قايعىلى وقيعا تۇركيا پارلامەنت دەپۋتاتتارى الەۋمەتتىك از قامتىلعان وتباسىلارعا ارنالعان باعدارلامانى قايتا قاراۋ كەرەكتىگىن ۇسىنىپ، دابىل قاقتى.
«وتباسى جونىندەگى مينيسترلىك وكىلدەرى بالالاردى ارنايى ينتەرناتقا الايىق دەپ بۇل ۇيگە 18 رەت بارعان ەكەن. الايدا اناسى كەلىسپەگەن. مەملەكەتتەن جاردەماقى دا تاعايىندالعان. بولاشاقتا وسىنداي جاعدايلار قايتالانباس ءۇشىن از قامتىلعان وتباسىلارعا قاتىستى باعدارلامانى قايتا قاراۋ كەرەك. بالالاردى سوت شەشىمىمەن وتباسىنان الىپ، مەملەكەتتىك ينتەرناتقا ورنالاستىرۋ ماسەلەسىن وڭتايلاندىرۋ قاجەت»، - دەيدى «اق پارتيا» فراكتسياسىنىڭ جەتەكشىسى وزلەم زەنگين.
ايتا كەتەيىك، قوستاناي وبلىسى جىتىقارا قالاسىندا جەكە تۇرعىن ۇيدە شىققان ءورت سالدارىنان ءۇي شاتىرى وپىرىلىپ ءتۇسىپ، بەس بالا قازا تاپتى.
