2024 جىلدىڭ 12 قاراشاسىندا قاراعاندى قالاسىنداعى ن. ءابدىروۆ اتىنداعى سپورت كەشەنىندە “قاراعاندى وبلىسىنىڭ ۇلتتىق سپورت تۇرلەرى قاۋىمداستىعىنىڭ” القا وتىرىسى ءوتتى. شاراعا قاراعاندى وبلىسى اكىمىنىڭ ورىنباسارى الىبەك الدەنەي توراعالىق ەتتى.
جيىندا ۇلتتىق سپورت تۇرلەرىن دامىتۋ بويىنشا اتقارىلعان جۇمىستار مەن الداعى جوسپارلار تالقىلاندى. داۋىس بەرۋ ناتيجەسىندە قاراعاندى وبلىستىق ءماسليحاتىنىڭ توراعاسى نۇركەن قوبجانوۆ قاۋىمداستىقتىڭ جاڭا پرەزيدەنتى بولىپ سايلاندى. اتقارۋشى ديرەكتور لاۋازىمىنا تەمىرحان ابىلاەۆ تاعايىندالدى.
قاۋىمداستىقتىڭ نەگىزگى باعىتتارى:
- كوكپار، بايگە، اۋدارىسپاق، توعىزقۇمالاق، جامبى اتۋ سياقتى 10 ۇلتتىق سپورت ءتۇرىن دامىتۋ;
- رەسپۋبليكالىق جانە حالىقارالىق جارىستار ۇيىمداستىرۋ;
- قاجەتتى ينفراقۇرىلىم قۇرۋ جانە ۇلتتىق سپورتتى ناسيحاتتاۋ;
- جاستاردى ۇلتتىق سپورتقا باۋلۋ ارقىلى پاتريوتتىق تاربيە بەرۋ.
قاۋىمداستىق الداعى ۋاقىتتا قازاقستان ۇلتتىق سپورت تۇرلەرى قاۋىمداستىعىمەن، قر تۋريزم جانە سپورت مينيسترلىگىمەن جانە ۇلتتىق وليمپيادا كوميتەتىمەن بىرلەسىپ جۇمىس اتقارۋدى جوسپارلاپ وتىر.
بۇل باستامالار ۇلتتىق سپورت تۇرلەرىن ناسيحاتتاۋ ارقىلى جاس ۇرپاقتىڭ رۋحاني جانە مادەني بايلىعىن ارتتىرۋعا باعىتتالعان.
