بۇگىن، 11 قاراشادا ۇلتتىق ستاتيستيكا بيۋروسى ەلدەگى «قىزمەتكەرلەردىڭ سانى جانە جالاقىسى» تۋرالى مالىمەتتەردى جاڭارتتى. وعان سايكەس 2024 جىلعى III توقساندا قازاقستان بويىنشا ورتاشا جالاقى 390 مىڭ تەڭگەنى قۇرادى، دەپ حابارلايدى «ادىرنا» ءتىلشىسى.
«ايلىق جالاقىنىڭ ورتاشا ءمانى 2023 جىلعى ءتيىستى توقسانعا قاراعاندا 11,3%-عا ءوسىپ، 390 328 تەڭگەنى قۇرادى»،—دەلىنگەن اقپاراتتا.
وڭىرلەر بويىنشا ورتاشا ەڭبەكاقى ەڭ كوپ شىمكەنتتە – 16,1%-عا، الماتىدا – 15,2%، اباي جانە اقتوبە وبلىستارىندا – 14,2%، قوستاناي وبلىسىندا – 14,0% ءوستى.
ەسكە سالايىق، بۇعان دەيىن ۇكىمەت قازاقستاندىقتاردىڭ ورتاشا جالاقىسى 2029 جىلى جارتى ميلليون تەڭگەدەن اسادى دەپ بولجاعان ەدى.
