Bügın, 11 qaraşada Ūlttyq statistika biurosy eldegı «qyzmetkerlerdıŋ sany jäne jalaqysy» turaly mälımetterdı jaŋartty. Oǧan säikes 2024 jylǧy III toqsanda Qazaqstan boiynşa ortaşa jalaqy 390 myŋ teŋgenı qūrady, dep habarlaidy «Adyrna» tılşısı.
«Ailyq jalaqynyŋ ortaşa mänı 2023 jylǧy tiıstı toqsanǧa qaraǧanda 11,3%-ǧa ösıp, 390 328 teŋgenı qūrady»,—delıngen aqparatta.
Öŋırler boiynşa ortaşa eŋbekaqy eŋ köp Şymkentte – 16,1%-ǧa, Almatyda – 15,2%, Abai jäne Aqtöbe oblystarynda – 14,2%, Qostanai oblysynda – 14,0% östı.
Eske salaiyq, būǧan deiın Ükımet qazaqstandyqtardyŋ ortaşa jalaqysy 2029 jyly jarty million teŋgeden asady dep boljaǧan edı.
