11-12 قاراشادا استانا قالاسىندا استانا پروتسەسى شەڭبەرىندە سيريا بويىنشا 22-ءشى حالىقارالىق كەزدەسۋ وتەدى. بۇل تۋرالى سىرتقى ىستەر مينيسترلىگى مالىمدەدى، دەپ حابابارلايدى “ادىرنا” ۇلتتىق پورتالى.
قر ءسىم مالىمەتىنشە، كەزدەسۋدە دەلەگاتسيالاردىڭ ەكىجاقتى جانە ۇشجاقتى كونسۋلتاتسيالارى وتكىزىلەدى. ولاردىڭ قورىتىندىسى بويىنشا پلەنارلىق وتىرىستىڭ ءوتۋى جانە ءباسپاسوز كونفەرەنتسياسى بەرىلۋى جوسپارلانۋدا.
كەزدەسۋدىڭ كۇن تارتىبىنە كەلەسى ماسەلەلەر ەنگىزىلدى:
• سيريا اينالاسىنداعى وڭىرلىك احۋالدىڭ دامۋى;
• سار-دا جان-جاقتى رەتتەۋ بويىنشا كۇش-جىگەر;
• سيرياداعى «جەرگىلىكتى» جاعداي;
• سەنىم شارالارى، ونىڭ ىشىندە تۇتقىنداردى بوساتۋ جانە جوعالعانداردى ىزدەۋ;
• سيرياداعى گۋمانيتارلىق جاعداي جانە قاقتىعىستان كەيىنگى قالپىنا كەلتىرۋگە جاردەمدەسۋ جانە سيريالىق بوسقىنداردىڭ وتانىنا ورالۋىنا جاعداي جاساۋ ماقساتىندا حالىقارالىق قوعامداستىقتىڭ كۇش-جىگەرىن جۇمىلدىرۋ.
