2024 جىلدىڭ قورىتىندىسى بويىنشا الماتى ەكونوميكاسى 5,5% دەڭگەيىندە ءوسۋى مۇمكىن.
2024 جىلدىڭ قاڭتار-قىركۇيەك ايلارىندا الماتى قالاسىنىڭ قىسقا مەرزىمدى ەكونوميكالىق كورسەتكىشى 104,1%-عا دەيىن ءوستى. بۇل تۋرالى قالالىق ەكونوميكا باسقارماسى حابارلادى.
«الماتىنىڭ جالپى وڭىرلىك ءونىمى جىلدىڭ ءبىرىنشى جارتىسىندا 3,5%-عا ءوستى (قازاقستان بويىنشا – 3,2%). ەكونوميكانىڭ ءوسۋ درايۆەرلەرى – كولىك (+21,6%) جانە قۇرىلىس (+11%) سالالارى بولدى. 2024 جىلدىڭ 9 ايىنىڭ قورىتىندىسى بويىنشا ازىق-تۇلىك ونەركاسىبىندەگى ءوسىم قارقىنى قالپىنا كەلۋدە. تاماق ونىمدەرى ءوندىرىسىنىڭ يندەكسى 2024 جىلدىڭ قاڭتار ايىنداعى 84,6%-دان 89,3%-عا، ال سۋسىندار ءوندىرىسى 56,9%-دان 91,3%-عا دەيىن ءوستى»، - دەدى ەكونوميكا باسقارماسى.
سونداي-اق، قىركۇيەك ايىندا ىسكەرلىك بەلسەندىلىك يندەكسى 53,4%-عا دەيىن ارتتى. جالپى، 2024 جىلدىڭ قورىتىندىسى بويىنشا الماتى ەكونوميكاسىنىڭ ءوسۋى 5,5% دەڭگەيىندە، ال 2025 جىلى 6,4% دەڭگەيىندە بولادى دەپ بولجانىپ وتىر.
