2024 jyldyń qorytyndysy boıynsha Almaty ekonomıkasy 5,5% deńgeıinde ósýi múmkin.
2024 jyldyń qańtar-qyrkúıek aılarynda Almaty qalasynyń qysqa merzimdi ekonomıkalyq kórsetkishi 104,1%-ǵa deıin ósti. Bul týraly qalalyq ekonomıka basqarmasy habarlady.
«Almatynyń jalpy óńirlik ónimi jyldyń birinshi jartysynda 3,5%-ǵa ósti (Qazaqstan boıynsha – 3,2%). Ekonomıkanyń ósý draıverleri – kólik (+21,6%) jáne qurylys (+11%) salalary boldy. 2024 jyldyń 9 aıynyń qorytyndysy boıynsha azyq-túlik ónerkásibindegi ósim qarqyny qalpyna kelýde. Tamaq ónimderi óndirisiniń ındeksi 2024 jyldyń qańtar aıyndaǵy 84,6%-dan 89,3%-ǵa, al sýsyndar óndirisi 56,9%-dan 91,3%-ǵa deıin ósti», - dedi ekonomıka basqarmasy.
Sondaı-aq, qyrkúıek aıynda iskerlik belsendilik ındeksi 53,4%-ǵa deıin artty. Jalpy, 2024 jyldyń qorytyndysy boıynsha Almaty ekonomıkasynyń ósýi 5,5% deńgeıinde, al 2025 jyly 6,4% deńgeıinde bolady dep boljanyp otyr.
