ءابليازوۆتى ەلگە قايتارۋعا بار كۇشىمىزدى سالامىز – باس پروكۋراتۋرا

2843
Adyrna.kz Telegram

قازاقستان فرانتسيادا جۇرگەن ەكس-بانكير مۇحتار ءابليازوۆتى ەلگە ەكستراديتسيالاۋ بويىنشا جۇمىستى جالعاستىرىپ جاتىر. بۇل تۋرالى قر باس پروكۋرورىنىڭ ورىنباسارى جاندوس ومىراليەۆ مۇحتار ءابليازوۆتى ەكستراديتسيالاۋ تۋرالى سۇراقتارعا جاۋاپ بەردى، دەپ حابارلايدى “ادىرنا” ۇلتتىق پورتالى.

«ەكس-بانكير مۇحتار ءابليازوۆ قازاقستانعا قايتارىلا ما؟ فرانتسيا مەن قازاقستان اراسىندا سوتتالعانداردى ەكستراديتسيالاۋ تۋرالى شارت جاسالعان با؟» دەگەن سۇراق قويدى تىلشىلەر سپيكەرگە ءماجىلىس كۋلۋارىندا.

«وزدەرىڭىزگە بەلگىلى، قازاقستاندا قۇزىرلى ورگاندار م. ابليازوۆقا قاتىستى ەكى قىلمىستىق ءىس قوزعاعان. بىرەۋى - بتا بانك قاراجاتىن جىمقىرۋ فاكتىسى، ەكىنشىسى – ە. تاتىشەۆتىڭ ولىمىنە قاتىستى. ەكى قىلمىستىق ءىس بويىنشا دا ايىپتاۋ ۇكىمى كۇشىنە ەنگەن سوڭ ءتيىستى ەكستراديتسيا تارتىبىمەن فرانتسيانىڭ وكىلەتتى ورگاندارىنا سۇرانىس حات جولدانعان. ولاردىڭ قارالۋ ساتىسى ءارتۇرلى مەرزىمدە، قازىر فرانتسيا م. ابليازوۆقا باسساۋعا كۇشىن جويدى. وسى جانە قولدانىلىپ جاتقان باسقا دا شارالار سەپتىگىن تيگىزەدى دەپ ويلايمىن. سۇرانىس حاتتارى ءبىزدىڭ قاتاڭ باقىلاۋىمىزدا، ءبىز وعان بار كۇشىمىزدى سالامىز»، - دەدى ج. ومىراليەۆ.

سونداي-اق، ول بۇل - قازاقستاننىڭ عانا ەمەس، شەتەلدىك قۇقىق قورعاۋ ورگاندارىنىڭ دا جۇمىسىنىڭ ناتيجەسى ەكەنىن دە ايتا كەتتى.

ەرتەڭ باس پروكۋراتۋرا م. ءابليازوۆ ءىسى بويىنشا ارنايى بريفينگ وتكىزبەك.

ەسكە سالايىق، 9 جەلتوقساندا فرانتسيا مۇحتار ابليازوۆكە ساياسي باسساۋعا بولۋدان باس تارتتى. ال امەريكا القابيلەر سوتى اقشا ۇرلاۋ فاكتىسى بويىنشا مۇحتار ابليازوۆقا $218 ملن ايىپپۇل سالدى.

پىكىرلەر