پرەزيدەنت قاسىم-جومارت توقاەۆ جوعارى سوت كەڭەسىنىڭ توراعاسى دەنيس ءشيپپتى قابىلدادى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
دەنيس شيپپ جوعارى سوت كەڭەسىنىڭ 2023 جىلعى قىزمەتىنىڭ قورىتىندىسى، ەلىمىزدەگى سۋديالار كورپۋسىنىڭ قازىرگى جاي-كۇيى، الداعى كەزەڭگە ارنالعان جوسپارى جونىندە باياندادى. ايتۋىنشا، كەڭەس بىلتىر مەملەكەت باسشىسى جۇكتەگەن بىرقاتار مىندەتتى جۇزەگە اسىردى. جوعارى سوت كەڭەسىن ينستيتۋتسيونالدىق تۇرعىدا كۇشەيتۋ جانە سۋديا بولۋعا ۇمىتكەرلەردى دايىنداۋ، بىلىكتىلىگىن كوتەرۋ، ولاردىڭ شەكتى جاسىن ۇزارتۋ، وكىلەتتىكتەرىن ۋاقىتشا توقتاتۋ نەمەسە مۇلدە توقتاتۋ ماسەلەلەرىن اتالعان ورگاننىڭ قۇزىرەتىنە بەرۋ جۇمىستارى اتقارىلعان.
سونداي-اق توراعا كەڭەستىڭ سۋديالاردى ىرىكتەۋ ءتارتىبىن جەتىلدىرۋ، اشىقتىق پەن تيىمدىلىكتى قامتاماسىز ەتۋ جۇمىستارى تۋرالى مالىمەت بەردى.
قاسىم-جومارت توقاەۆ سۋديالاردىڭ تاۋەلسىزدىگىن كۇشەيتۋگە جانە ولاردى ساپالى تۇردە ىرىكتەۋگە باعىتتالعان رەفورمالاردى ءتيىمدى جۇزەگە اسىرۋ جۇمىستارىن جالعاستىرۋدى تاپسىردى.
