حالىقبانك كىمگە ساتىلدى؟

4416
Adyrna.kz Telegram

 

بيىلعى جىلدىڭ مامىر ايىندا "كۋليباەۆتار حالىقبانكتى ساتادى ەكەن، ونى قىتاي ينۆەستورلارى الادى ەكەن" دەگەن اڭگىمە ينتەرنەت كەڭىستىگىن جارىپ جىبەرە جازداعان ەدى، ادەتتەگىدەي اقپارات نەگىزىنەن ءورىستىلدى ورتادا تارالىپ، تالقىلانىپ جاتتى. ارتىنان قىتاي ينۆەستورلارىنا ساتىلاتىنى تۋرالى اقپارات جالعان دەدى، ال ودان سوڭ بۇل تۋراسىندا اڭگىمە مۇلدەم تيىلدى، وعان قاتىستى ەڭ سوڭعى اقپارات 03 ماۋسىمدا عانا جاريالانعان ەكەن. ساتىلاتىنى تۋرالى رەسمي مالىمەت 03 مامىردا جاريالانعانىن ەسكەرسەك، تۋرا ءبىر اي بويى تالقىلانىپ، كەيىننەن ەشكىمگە قىزىق بولماي قالعانداي شورت ءۇزىلىپتى. كەشە عانا قارجى سالاسىنا قاتىسى بار ءبىر ازاماتپەن اياقاستى اۋەجايدا كەزدەسكەنىمدە وسى ءجايتتى بىلەتىنىن سۇراعام، بىلەدى ەكەن. وعان سەنسەك، حالىقبانك ساتىلىپتى، ساتىلعاندا دا "جاقسى" ساتىلىپتى، باسقا ەمەس ءدال سول قىتاي ينۆەستورلارى بانكتىڭ باقىلاۋشى پاكەتىن ساتىپ الىپتى. تۇسىنىكتى بولۋ ءۇشىن ايتا كەتەيىن، حالىقبانك جانە ونىڭ تۇتىنۋشىلارى دەگەنىمىز، ول بيۋدجەت قىزمەتكەرلەرىنەن تۇراتىن ارميا،تيىن-تەبەنىن تەك وسى بانكتەن الۋعا ءماجبۇر، الەۋمەتتىك از قامتىلعان توپتار، زەينەتكەرلەر، ول ستۋدەنتتەر جانە كرەديت راسىمدەگەن اۋىل تۇرعىندارى. ول جالپى قازاقستانداعى ەڭ ءىرى جۇيەقۇرۋشى قارجى ينستيتۋتى. تومەندەگى ماقالادا ساراپشىلار كۋليباەۆتارعا حالىقبانكتى ساتۋ (ول كەزدە تەك ساتۋعا شىعارىلعان بولاتىن) نە ءۇشىن قاجەت بولۋى مۇمكىن ەكەندىگىن تالقىلاعان ەكەن. مەن ماسەلەگە باسقا قىرىنان كەلگىم كەلەدى. بارلىق جەراستى بايلىقتارىمىز، شيكىزات، مۇناي سياقتى ەلىمىز ءۇشىن ستراتەگيالىق ماڭىزى بار سالالاردا قىتاي ينۆەستورلارى وتىر، وعان الەمجەلىدەگى بىرەر جازبالاردى ەسەپتەمەگەندە، نازار اۋدارۋدى قويدىق.
ال، كۇنى كەشەگە دەيىن قر اسكەري دوكتريناسىندا قىتاي "ىقتيمال قارسىلاس" (ۆەروياتنىي پروتيۆنيك) رەتىندە قاراستىرىلىپ كەلدى. سوندا قازىر، قازاقستاننىڭ سىرتقى قاۋىپسىزدىككە قاتىستى ساياساتى وزگەردى مە؟ بۇكىل الەمگە پروبلەما تۋدىرىپ وتىرعان قىتاي، ەندى بىزگە ەشقانداي قاۋىپ-قاتەر توندىرمەيتىن بولعانى ما؟ ەندى ءبىر كەزدەرى (اتى ايتىپ تۇرعانداي) حالىقتان، ەلدەن الىپ العان بانكتى دە قازاقستاندىق وليگارحات قىتايلارسىز باسقارا المايتىن بولعانى ما؟ الدە ەكونوميكانىڭ بارلىق سالاسىن جاپپاي قىتايلاندىرۋ ارقىلى، بۇلار شىنىمەن قازاقستاندى بولشەكتەپ ساتىپ جاتىر ما؟

وسى ورايدا KazakhSTAN 2.0سايتىنىڭ تومەندەگى ماقالاسىن نازارلارىڭىزعا ۇسىنامىز.

حالىقارالىق رەيتينگتىك اگەنتتىكتىڭ پىكىرى بويىنشا:

«... حالىق بانكى وتىمدىلىكتى باسقارۋدىڭ تەڭگەرىمدى ساياساتىن جۇرگىزەدى جانە سەنىمدى كليەنتتەر بازاسىنا يە. وسىعان بايلانىستى، ءبىز بانكتىڭ قازاقستاننىڭ بانك سەكتورىنداعى كۇردەلى جاعدايلارعا قاراماستان وتىمدىلىكتىڭ ايتارلىقتاي رەزەرۆتەرىن ساقتايدى دەپ كۇتەمىز جانە حالىق بانكىنىڭ جەكە نەسيە ءپروفيلىن (SACP) باعالاۋدى «bb-» دەن «bb-» - گە دەيىن قايتا قاراستىرامىز. «بب»- ءبىزدىڭ بانكتىڭ ءوتىمدى اكتيۆتەرى تۋرالى بولجامىمى.  سونىمەن قاتار، حالىق بانكىنىڭ ءوتىمدى اكتيۆتەرىنىڭ ەداۋىر بولىگى  باعالى قاعازداردان جانە ورتالىق بانكتە ورنالاستىرىلعان قاراجاتتان تۇرادى. ءبىزدىڭ باعالاۋىمىز بويىنشا، قازىرگى كەزدە حالىق بانكىنىڭ ءوتىمدى اكتيۆتەرى جيىنتىق اكتيۆتەرىنىڭ 49% قۇرايدى جانە الداعى ەكى جىلدا 40% -دان تومەندەمەيدى. 2019 جىلعى 1 قاڭتارداعى جاعداي بويىنشا «كەڭ ءوتىمدى اكتيۆتەر-كليەنتتەردىڭ تازا / قىسقا مەرزىمدى دەپوزيتتەرى» كورسەتكىشى 77% قۇرادى، بۇل باسقا قازاقستاندىق بانكتەردىڭ كورسەتكىشتەرىنەن ەداۋىر جوعارى.

قازاقستان حالىق بانكى بولشەك جانە زاڭدى تۇلعالاردىڭ سالىمدارى بويىنشا نارىقتا 37% جانە 39% سايكەسىنشە (2019 جىلعى 1 ساۋىردەگى جاعداي بويىنشا) قازاقستاندىق بانك سالاسىندا كوشباسشى ورىنعا يە. بۇرىن بۇل ۇلتتىق جيناق بانكى بولعان جانە قازىرگى ۋاقىتتا قازاقستان نارىعىنداعى تۇراقسىزدىق كەزىندەگى ەڭ سەنىمدى بولىپ سانالادى. بۇل، اتاپ ايتقاندا، 2018 جىلى، «كازكوممەرتسبانك» اق (ككب) جەلىسىن وڭتايلاندىرۋمەن بايلانىستى فيليالداردىڭ قىسقارعانىنا قاراماستان، حالىق بانكىنىڭ قارجىلاندىرۋ بازاسى وسە باستاعان كەزدە كورسەتتى. حالىق بانكىنىڭ تۇراقتى قارجىلاندىرۋ جانە ۇزاق مەرزىمدى قارجىلاندىرۋ كوەففيتسيەنتتەرى 2018 جىلدىڭ سوڭىندا 198% جانە 99% قۇرادى.

ءبىز «قازاقستان حالىق بانكى» اق اكتسيالارى قانشا ساتىلىمعا شىعارىلاتىنىن، ولاردى كىم جانە قانداي باعامەن ساتىپ الاتىندىعىن باعالاۋعا مىندەتتەمە بەرمەيمىز. بىراق ءبىز جۇزدەگەن ميلليون دوللار تۋرالى ءسوز قوزعايتىن بولامىز، ويتكەنى وسى جازبانى جازۋ كەزىندە بانكتىڭ نارىقتىق قۇنى 3,3 ميلليارد اقش دوللارىن قۇرادى.

باسقاشا ايتقاندا، ەگەر «المەكس حولدينگ توبى» اق ءوزىنىڭ 50,11 پايىزىن قالدىرىپ، 15% اكتسيالارىن ساتسا، وندا سىيلىقاقىنى ەسەپتەمەگەندە جارتى ميلليارد دوللارعا جۋىق پايدا تابادى.

ابزال قۇسپان

"ادىرنا" ۇلتتىق پورتالى

پىكىرلەر