Қазақстан Президенті Қасым-Жомарт Тоқаев Францияның елшісі Сильвен Гиогемен кездесіп, оны жаңа қызметке тағайындалуымен құттықтады. Бұл туралы Ақорданың баспасөз қызметі мәлімдеді, деп хабарлайды “Адырна” ұлттық порталы.
«Франция елшісін жаңа қызметке тағайындалуымен құттықтаған Президент Қасым-Жомарт Тоқаев оның дипломатиялық миссиясы екіжақты қарым-қатынастарды дамытудағы өте белсенді кезеңге тура келетінін атап өтті», - делінген хабарламада.
Кездесу барысында Тоқаевтың Францияға алдағы мемлекеттік сапары аясында талқыланатын өзекті мәселелер көтерілді. Мемлекет басшысы бұл сапар Қазақстан-Франция әріптестігінің жаңа перспективаларын ашатынына және оны одан әрі нығайтуға негіз болатынына сенім білдірді.
