مينيستر ماديەۆ رەسەيگە سالىنعان سانكتسيالار قازاقستانعا جالپى تەلەفون كودى قولدانىلعاندا ەش اسەر ەتپەيتىنىن ايتتى، دەپ حابارلايدى “ادىرنا” ۇلتتىق پورتالى.
تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ سەناتتاعى بريفينگ بارىسىندا تەلەفون كودى تۋرالى ايتتى.
قازان ايىنىڭ باسىندا كەيبىر قازاقستاندىقتار Google اككاۋنتىنا كىرۋدە راستاۋ كودتارىنىڭ بولماۋىنا بايلانىستى قيىندىقتارعا تاپ بولىپ، مۇنى رەسەيگە قاتىستى شەكتەۋلەرمەن بايلانىستىردى، سەبەبى ەكى ەلدىڭ نومىرلەرى +7 كودىنان باستالادى.
«سانكتسيالارعا قاتىستى الاڭداۋعا نەگىز جوق. سانكتسيالىق ماسەلەلەر مەن جالپى ەل كودى اراسىندا ەشقانداي بايلانىس جوق. ءبىز “جەتىنى” ءبولىسىپ قولدانامىز – بۇل فاكت، بىراق سول “جەتى” اياسىندا تەك قازاقستانعا تيەسىلى قوسىمشا نومىرلەنۋ جۇيەمىز بار. بۇل +77, +76. سونىمەن قاتار، ءبىز قوسىمشا +70 كودى بويىنشا كەلىسسوزدەر جۇرگىزۋدى جوسپارلاپ وتىرمىز»، – دەدى مينيستر.
سونداي-اق ول قازاقستاندىقتار ءۇشىن نومىرلەردى ساقتاپ قالعان ىڭعايلىراق ەكەنىن، تەلەفون كىتاپشاسىندا جانە قوسىمشالاردا ولاردى وزگەرتۋ قاجەتتىگىنسىز قولدانۋدى اتاپ ءوتتى.
ءۇش جىل بۇرىن مينيسترلىك 2023 جىلى قازاقستاننىڭ ءوز تەلەفون كودىنا وتەتىنىن مالىمدەگەن ەدى. بىراق، 2024 جىلدىڭ جازىندا ۆەدومستۆو +7 كودىن وزگەرىسسىز قالدىرۋ تۋرالى شەشىم قابىلداپ، ءتيىستى قاۋلىنى ازىرلەدى. 26 قازاندا ونى ۇكىمەت وتىرىسىندا بەكىتتى.
ايتا كەتەيىك، قازاقستان كورشىلەس رەسەيمەن بىرگە +7 تەلەفون كودىن بىرلەسىپ پايدالانۋ تۋرالى كەلىسىم جوباسىن ماقۇلداعان ەدى.
