قازاقستان مەن رەسەي حالىقارالىق تەلەفون كودىنىڭ +7 نومىرلەۋ ايماعىن بىرلەسىپ پايدالانۋ تۋرالى كەلىسىمگە كەلدى، دەپ حابارلايدى “ادىرنا” ۇلتتىق پورتالى.
بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى مالىمدەدى.
قازاقستان: +7 0, +7 6, +7 7 كودتارىن قولدانادى.
رەسەي: + 7 2, +7 3, +7 4, +7 5, +7 9 كودتارى بەكىتىلدى.
بۇل كەلىسىم ەلدەر اراسىنداعى دوستىق جانە ءوزارا قۇرمەت قاعيداتتارىنا نەگىزدەلىپ، رەسۋرستاردى ازاماتتاردىڭ يگىلىگىنە ءتيىمدى پايدالانۋ ءۇشىن جاسالعان.
2021 جىلى قازاقستان حالىقارالىق كود الۋ ماقساتىندا +997 كودىن رەزەرۆكە قويعان بولاتىن. الايدا، جاڭا كودقا كوشۋ بىرقاتار تەحنولوگيالىق جانە قارجىلىق قيىندىقتار تۋدىراتىنى بەلگىلى بولدى. سونىمەن قاتار، ابونەنتتەرگە دەرەكتەردى جاڭارتۋ، مەملەكەتتىك جانە بانكتىك قىزمەتتەرگە قولجەتىمدىلىكتى رەتتەۋ قاجەت بولۋى ىقتيمال.
كودتى اۋىستىرۋ كەزەڭىندە جۇيەلىك اقاۋلار مەن قولايسىزدىقتاردىڭ پايدا بولۋى مۇمكىندىگى دە اتاپ ءوتىلدى.
